Repúblikanaflokkurinn í Arizona hefur samþykkt að banna Covid-19 sprautur og lýsir því yfir, að bóluefnið sé  „líffræðilegt og tæknilegt vopn.“ Er þetta í öðru ríkinu sem Repúblikanaflokkurinn samþykkir bann við Covid-sprautunum samkvæmt áætluninni „Ban the Jab.“ 

„Ban the Jab“

Patriot, Dan Schultz, frá PrecinctStrategy.com lagði fram „Ban the Jab“ ályktun sem Repúblikanaflokkurinn í Arizona samþykkti nýlega með um það bil 96% atkvæða. Í ályktuninni segir, að Covid-19 sprauturnar séu „líffræðileg og tæknileg vopn“ og skorað er á ríkisstjórann að banna dreifingu þeirra. Þá er skorað á ríkissaksóknara að gera bóluefnið upptækt og láta fara fram réttarrannsókn á innihaldi þeirra.

Auk þess að vera lögfræðingur er Dan Schultz fyrrverandi gagnnjósna- og leyniþjónustumaður bandaríska hersins. Hann er talsmaður Precinct-stefnunnar, sem leitast við að koma stjórn Repúblikanaflokksins aftur í hendur fólksins. Áður lagði Dan Schultz „Ban the Jab“ ályktun fyrir repúblikanaflokkinn í Maricopa County sem samþykkti ályktunina með 87,4% atkvæða. Alls greiddu 1494 atkvæði, 1306 með, 188 á móti.

10 svæðadeildir í Flórída hafa samþykkt að banna sprauturnar

Fyrsta „Ban the Jab“ ályktunin var skrifuð af Dr. Joseph Sansone, sálfræðingi, í febrúar 2023. Hann á núna í málaferlum í Flórída til að fá yfirvöld til að banna sprauturnar. Málinu var vísað frá og er núna á leið fyrir áfrýjunardómstól.

Hingað til hafa um það bil 10 svæðadeildir Repúblikanaflokksins í Flórída samþykkt „Ban the Jab“ ályktanir þar sem Covid 19 sprautur eru skilgreindar sem líffræðileg og tæknileg vopn. Þar er einnig skorað á ríkisstjórann að banna dreifingu bóluefnanna og á ríkissaksóknarann að gera bóluefnið upptækt og láta fara fram réttarrannsókn.

Repúblikanaþing Flórída, Landssamband repúblikanaþinga, Frelsisþing repúblikana í Flórída hafa öll samþykkt ályktanir um bann við Covid-19 sprautum.

Nýlega hefur heilbrigðisráðuneytið í Flórída tekið þátt í ákallinu til að banna sprauturnar. Deildir Repúblikanaflokksins í Clackamas County í Oregon og í Idaho hafa samþykkt að banna sprauturnar.

Arizona er talið mikilvægt ríki í stjórnmálum og samþykkt þessarar ályktunar mun hjálpa til við að byggja upp stuðning við að banna líffræðilegan hernað gegn Bandaríkjamönnum og almennum borgurum.

Ályktun Repúblikanaflokksins í Arizona:

Arizona bann við Covid-19 sprautum „Ban the Jab“ ályktun:

Þar sem:

„Sterkar og trúverðugar vísbendingar sýna að Covid 19 og Covid 19 sprautur eru líffræðileg og tæknileg vopn og klínísk gögn Pfizer leiddu í ljós 1.223 dauðsföll, 42.000 aukaverkanir, 158.000 aukaverkanir og um það bil 1.000 aukaverkanir og gífurlegur fjöldi fólks hefur látist eða orðið varanlega örkumla eftir að hafa verið sprautað með Covid 19 sprautunum, og sterkar og trúverðugar vísbendingar frá Svíþjóð eru til um að Covid mRNA sprautur breyti DNA mannsins og ríkisstofnanir, fjölmiðlar og tæknifyrirtæki og önnur fyrirtæki hafa framið gífurleg svik með því að halda því fram að Covid sprautur séu öruggar og árangursríkar og heilbrigðisráðuneytið í Flórída hefur kallað eftir því, að mRNA-sprautunum verði hætt og að áframhaldandi tilraunir á mönnum og neitun á upplýstu samþykki eru brot á Nürnberg-reglunum og teljast því til glæpa gegn mannkyninu,“

Lausn:

„Í nafni varðveislu mannkyns, þá skora fulltrúar forsetatilnefningarþings repúblikanaflokksins í Arizona árið 2024 á Hobbs ríkisstjóra og ríkislöggjafann að banna sölu og dreifingu á Covid sprautum og öllum mRNA sprautum í Arizona og dómsmálaráðherra Arizona að gera strax allar Covid-sprautur og mRNA-sprautur í Arizona upptækar og láta fara fram réttarrannsókn á þessum svokölluðu „bóluefnum.“