Vinstri ólígarkinn, hrægammurinn George Soros, spáði því í grein árið 1993 undir fyrirsögninni: „Í átt að nýrri heimsskipun – framtíð Nató,“  að austur-evrópskir hermenn yrðu notaðir sem fallbyssufóður í átökum til að draga úr mannfalli meðal aðildarríkja Nató. Remix News birtir frétt um málið.

Færri líkpokar til Nató-ríkja

Í greininni skrifar Soros, að vestræn ríki myndu ekki þola mikinn fjölda dauðsfalla í stríði á meðan það yrði talið ásættanlegra í Austur-Evrópu. Hann skrifar m.a. í greininni:

“Þá yrðu Bandaríkin ekki kölluð til að starfa sem heimslögregla. Þegar þau bregðast við, þá myndu þau starfa sameiginlega með öðrum. Enn fremur myndi sameining hermanna frá Austur-Evrópu við tæknilega getu Nató auka stríðsgetuna til muna í samstarfi, þar sem dregið yrði úr áhættunni á líkpokum til Nató-landa, sem er helsta hindrunin fyrir vilja þeirra til að bregðast við. Þetta er raunhæfur valkostur við yfirvofandi röskun í heiminum.“ 

Ný heimsskipun engin samsæringskenning samkvæmt Soros

Samkvæmt Remix News virðist þessi skelfilega spá vera við það að slá í gegn með yfirstandandi stríði í Úkraínu þar sem austur-evrópskir hermenn, búnir hátæknivopnum frá Nató bera ábyrgð á fjöldadauða í stríðinu gegn Rússlandi.

Í Úkraínu heyrist fáar mótmælaraddir varðandi þær upplýsingar að hundruð þúsunda úkraínskir hermenn hafa fallið í stríðinu. Til samanburðar má nefna gríðarleg mótmæli sem hristu upp í öllum Bandaríkjunum og víðar, þegar um það bil 58.000 bandarískir hermenn voru drepnir í Víetnam stríðinu á tíu ára tímabili.

Grein George Soros fjallaði einnig um sýn hans á „nýrri heimsskipun.“ Þeim orðum er oft vísað á bug sem samsæriskenningu en Soros notar þau ítrekað og opinskátt eins og aðrir glóbalistar. Hann telur nýja heimsskipun nauðsynlega til að stjórna átökum eins og Úkraínustríðinu og til að forðast alheimskreppu…..