Heilsupistill eftir Guðrúnu Bergmann
Bólgur í líkamanum myndast vegna flókinna ónæmisviðbragða, en bólgum má skipta í tvo flokka. Bráðabólgur sem eru fyrstu viðbrögð líkamans við utanaðkomandi innrás eða áfalli sem líkaminn verður fyrir. Þær myndast til dæmis þegar við skerum okkur eða brjótum bein, fáum vísus, bakteríur eða sjúkdóma sem ónæmiskerfið okkar bregst við með bólgum meðan verið er að vinna bug á meininu.
KRÓNÍSKAR BÓLGUR
Bólgur verða svo krónískar (langvinnar) þegar bólguástandið verður stöðugt. Í sumum tilvikum er ástandið vart merkjanlegt í áraraðir. En skyndilega koma svo einkennin í ljós, oftast vegna þess að bólgurnar hafa leitt til einhverra misalvarlegra sjúkdóma. Og þá hefst leitin að því hvernig vinna má bug á þessu bólguástandi.
Vísindamenn eru almennt sammála um að krónískar bólgur séu grunnorsök flestra sjúkdóma. Með því að draga úr bólgum í líkamanum erum við því að koma í veg fyrir heilsufarsvandamál eins og hjarta- og æðasjúkdóma, sykursýki og krabbamein.
5 MERKI UM KRÓNÍSKAR BÓLGUR
Hvernig vitum við hvort bólgurnar séu krónískar? Það getur verið flókið að finna það út, en með því að skoða eftirfarandi lista færðu nokkrar vísbendingar:
1 – SÁRSAUKI
Krónískar bólgur valda oftast miklum sársauka. Stundum eru bólgurnar vart merkjanlegar, en geta svo gert vart við sig með sársaukafullum bólguköstum annað slagið. Svo geta bólgurnar verið mjög miklar og leitt af sér stöðugan sársauka í liðum og vöðvum um allan líkamann.
2 – STREITUÁLAG
Þegar bólgur geisa í líkamanum eru öll kerfi hans undir streituálagi. Þetta álag er til staðar jafnvel þótt þú gerir þér ekki grein fyrir bólgunum. Þegar bólgur geisa sendir bólgusvæðið frá sér efnasambönd sem valda líkamanum miklu streituálagi. Slíkt langtíma streituálag getur með tímanum leitt til alvarlegra sjúkdóma.
3 – ÞREYTA
Bólgnir og sársaukafullir liðir og vöðvar, leiða til þreytu og orkuleysi og veikja ónæmiskerfið. Ef þér líður eins og þú getir ekki (eða viljir ekki) fara á fætur á morgnana vegna þreytu, eru allar líkur á að þú sért með minni- eða meiriháttar bólgur í líkamanum.
4 – SJÚKDÓMAR Í MELTINGARVEGI
Þar sem ónæmiskerfi okkar er að svo miklu leyti tengt smáþörmum og ristli – og vegna þess að maturinn sem við borðum fer í gegnum meltingarveg okkar, kemur það ekki á óvart að neysla á bólgumyndandi fæðu og stöðugar bólgur valdi usla í meltingarvegi okkar.
Einkenni eins og glútenóþol og iðraólga (IBS=irritable bowel syndrome) eru ákall líkamans um hjálp við að draga úr bólgunum. Margir taka inn lyf sem eiga að vera bólgueyðandi eins og ibufen og voltaren, en þessi lyf valda því að þarmaveggir líkamans skaðast og verða “lekir”, svo þótt þau slái á einkennin um tíma, valda þau í raun meiri skaða og viðhalda og auka á bólgurnar. Sjá nánar í greininni: VALDA BÓLGUEYÐANDI LYF MEIRI SKAÐA EN GAGNI?
5 – KVIÐFITA
Framsettur kviður er meira en óásjáleg byrði sem við reynum að dylja undir fötunum okkar. Fitufrumur eru ekki óvirkar frumur. Þær framleiða bólgumyndandi efni sem dreifa sér um líkamann. Þessi efni ráðast á hjarta- og æðakerfið. Ýmsar rannsóknir sýna að kviðfita er versta tegund fitu á líkamanum vegna þess hversu virk hún er í að viðhalda bólgusjúkdómum.
MATARÆÐIÐ SKIPTIR LYKILMÁLI
Við endum samt alltaf á því sama – þ.e. mataræðinu. Það er eldsneyti líkamans og rannsóknir hafa sýnt að ýmsar fæðutegundir beinlínis valda bólgum, á meðan aðrar draga úr þeim. Því skiptir máli að vita hvaða fæðutegundir þarf að forðast – og síðan komast að raun um hvaða fæðutegundir geta hjálpað okkur að draga úr bólgum í líkamanum. Þess vegna hafa námskeið mín um HREINT MATARÆÐI skipt svo miklu máli fyrir fólk með bólgusjúkdóma og breytt líðan þess til hins betra.
Skráning á ÁTTUGASTA námskeiðið hefst föstudaginn 22. apríl – með einstöku afsláttartilboði!
BÆTIEFNI SEM DRAGA ÚR BÓLGUM Í LÍKAMANUM
Samhliða því að gera breytingar á mataræði og taka þær fæðutegundir sem eru helstu bólguvaldarnir út, er gott að taka inn bætiefni sem draga úr bólgum í líkamanum. Tvö náttúruleg bætiefni sem eiga rætur sínar að rekja til Indlands hafa virkað vel til að draga úr bólgum í líkamanum.
Annað þeirra er MORINGA – en nánari umfjöllun má finna í greinninni VEIST ÞÚ HVAÐ MORINGA ER?
Hitt er TÚRMERIK – en nánari umfjöllun um það má finna í greinini GERJAÐ TÚRMERIK.
Neytendaupplýsingar: Þú finnur Moringa og gerjað Túrmerik í verslunum Mamma Veit Best, annað hvort á horni Dalbrekku og Auðbrekku í Kópavogi eða á Njálsgötu 1 í Reykjavík.
Ef þér fannst þessi grein áhugaverð, deildu henni þá endilega með öðrum.
Þér er velkomið að skrá þig á PÓSTLISTANN til að fá reglulega sendar greinar um sjálfsrækt, andleg málefni og náttúrulegar leiðir til að viðhalda góðri heilsu.