Í upphafi var því haldið fram að svokölluð Covid-bóluefni myndu stöðva veirusmit og þar með faraldurinn.  Bóluefnið var sagt „feikilega lofandi“ og myndi koma í veg fyrir smit í 90% tilfella, sagði til dæmis vísindamaðurinn og forstjóri Íslenskrar Erfðagreiningar í nóvember 2020.

Fólk var svipt frelsi og mannréttindum á meðan beðið var eftir „kraftaverkabóluefninu“ sem framleitt var á mettíma og átti að veita fólkinu frelsið á ný. Gott dæmi um þetta hér á landi og víðar voru hjúkrunarheimili, menntastofnanir, íþróttir barna o.fl.

Fljótlega koma í ljós að þetta var rangt. Til að mynda,  náði útbreiðsla Covid-smita hæstu hæðum sumarið 2021, þegar búið var að sprauta um 90% fullorðinna Íslendinga.

Þrátt fyrir að það lægi í augum uppi sagði sóttvarnalæknir Íslendinga „allt benda til þess að þriðji skammturinn myndi leiða til hjarðónæmis.“

En erlendir vísindamenn og sérfræðingar hafa nú bakkað með þessa fullyrðingar sínar og segja að í stað þess að hindra smit, komi lyfin í veg fyrir veikindi, sjúkrahúsinnlagnir  og dauða, nokkuð sem heldur reyndist ekki rétt. Margir þeirra kannast nú ekkert við að hafa haldið því fram að bóluefnin stöðvuðu útbreiðslu Covid.

En hvað sögðu þau, nema einmitt það? Hér má heyra milljarðamæringinn Bill Gates fullyrða að bóluefnin myndu kveða faraldurinn í kútinn, Rochelle Wallensky, forstjóra Sóttvarnarstofnunar Bandaríkjanna (CDC), fjölmiðlakonuna Rachel Maddow,  Dr. Monica Gandhi lækni og prófessor við læknadeild  University of California, Joe Biden forseta Bandaríkjanna og Antony Fauci sóttvarnalækni Bandaríkjanna: „Bóluefnin stöðva útbreiðslu smita.“