Eftir Arnar Sverrisson:
Ríkisstjórn vor, með græna byltingarleiðtogann, Katrínu Jakobsdóttur, í broddi fylkingar, berst á vegum alheimsauðvaldsins í Sameinuðu þjóðunum og Alheimsefnahagsráðinu, fyrir þróun, samkvæmt svokölluðum sjálfbærnimarkmiðum, Áætlun 2030.
Hún boðar eins konar himnaríki á jörðu eða draumaveröld. Í nýrri, endurræstri veröld, verða allir sælir og saddir, búa við friðsemd og frjósemi, elska frið og strjúka kvið. Þar ríkir sem sé friður og fjölbreytni, regnbogafáninn blaktir við hún.
Konur hafa þá loksins frelsast undan eitruðum körlum og frá bannsettum barneignunum. Börn eru framleidd í meðgönguverum. Þegar þau skríða úr gervileginu er þeim úthlutað kyni, hvorugkyni. Þegar þau komast til vits og ára geta þau valdið sér kyn eða bara verið kynlaus.
Vilji svo óheppilega til, að enn fæðist óstýrilátir drengir (ADHD) mun uppeldis- og barnavernd sjá til þess, að viðurkenndir skurðfræðingar græði í búk þeirra lyfjaskammtara (Rítalín eða sambærilegt) með sjálfvirkni skömmtunarstjórn samkvæmt vottaðri hegðunarmælingu færustu sálfræðinga um æskilega og viðráðanlega hegðun.
Í skammtara þennan má líka setja önnur lyf. Þunglyndis- og oflátalyf eru bráðnauðsynleg til að halda fólki í hamingjusamlegu jafnvægi.
Ef líffæri fara í taugarnar á fólki, getur það snúið sér til vansældarteymis stjórnvalda, sem endurræsir, dópar eða sker, þangað til þau eru sæl og sátt. En bregði til beggja vona má barasta breyta aftur. Því kynið er svo órætt og þjált.
Kúgun kvenna er á enda runnin í draumaríki sjálfbærninnar og börnin hafa alfaríð frelsast frá feðrum sínum. Karlmenn hafa horfið inn í samkyn fjölbreytninnar. Fólk er næstum örvasa af öreiga- og snjallsímasælu einni saman.
Í umboði Úrvalsins, skipað mörgum „Katrínum,“ býður Bónus heimsendingu á vistum með þyrilskutlu eða flygildi, sem flýgur fæðunni beint úr vottuðum framleiðsluverum. Hamingjunni sé lof! Engin losun koltvísýrings.
Klaus Schwab, stofnandi og skipuleggjandi Alþjóðaefnahagsráðsins.
En það á reyndar bara við um þá hlýðnu, með nægilegan stigafjölda í miðlægum hlýðnistigagrunni. Hinir óþekku geta etið það, sem úti frýs eða stungið höfðinu inn í sjálfsvígshjúpinn í heilbrigðisþjónustunni.
Úrvalið fylgist með heilsu og hamingju sjálfbæringanna. Þeir mæla heilsufar og hollustu hugsana þeirra ekki síður en mataræðis. Lestur er að mestu óþarfur. Innræting réttra viðhorfa berst með örflögum, sem skotið er undir húð eða beintengdar taugkerfinu.
Örflögur koma reyndar með bólusetningum líka. Þær tryggja öruggar sýkingavarnir. Í draumaríki sjálfbærninnar er engin þörf á Landlæknisembætti lengur, því „upplýsingaóreiðan“ hverfur, samtímis falsfréttum og samsæriskenningum.Það verður gott að lifa.
Það er líka óþarfi að spjalla mikið saman. Fólk hittist bara í sýndarveruleikanum. En þó skal aðgát höfð í nærveru sálar eins og skáldið sagði. Innbyggður ritskoðari mun sjá til þess, að engin verði hatursorðræðan. „Egill-inn-við-beinið“ hefur ekkert að óttast.
Það er svo undarlegt með unga menn og roskna kirkjunnar þjóna eins og Manuel Sánchez Monge. Hann veit þetta allt, en samt hreyfir hann mótmælum, segir draumríkið ekki samræmast kristinni trú og góðum gildum og mætri menningu.
Ja hérna! Þetta er bullandi hatursorðræða, upplýsingaóreiða og samsæriskenningasmíði, segir egill-inn-við-beinið. Manuel leyfir sér að segja.
„Sjálfbærnimarkmiðin Áætlun 2023, um þróun alheimsins („sjálfbærni“ er töfraorðið um þessar mundir, sem felur í sér, hvað sem er) eru að miklu leyti lofsverð og öllum boðleg: vernd náttúrunnar, útrýming fátæktar og hungurs í heiminum, aðgengi allra að drykkjarvatni, og svo framvegis. Öll eru markmiðið nægilega óljóst orðuð til að leyfa hinar margvíslegustu túlkanir.
En að baki Áætlunar 2030, býr viðleitni til að breyta menningunni, ný heimsskipan, sem knýr fram breytingar á trú fólks. Um er að ræða alheimsyfirráð – sem hafa ekkert með alþjóðavæðingu að gera – í því skyni að setja á stofn ólýðræðislega stjórn embættismanna.
Skjalið geymir svo snjallar, almennar yfirlýsingar, að fólk freistast til að trúa því, að framselji það allt vald til Sameinuðu þjóðanna og samþykki Áætlun 2030, muni allt verða í stakasta lagi. En því fer fjarri. Áætlun 2030 er gildra.“
One Comment on “Katrín, kristin trú og klerkurinn, sem segir sjálfbærnimarkmiðin gildru”
Frá forsætisráðherra Íslands dynur nú stöðugt á okkur satanískur boðskapur sem er lygi.
Þar segir að brýn þörf sé á að leysa loftlagsvandamálin fyrir árið 2030, annars er glötun framundan fyrir heiminn.
En það eru engin vandamál með loftslagið á jörðinni. Þetta er tilbúningur, falsspádómur beint frá Djöflinum, sem Kartín hlustar nú á.
Það er samt merkilegt við þetta ártal 2030, að þá eru liðin 2000 ár frá uppstigningu Jesú Krists til himna.
Þetta ártal telja margir guðfræðingar að marki lok Náðarársins sem Jesús talar um í 4. kafla Lúkasarguðspjalls versi 19.
Eftir 2030 verður þá of seint að iðrast og gefast Jesú Kristi og eignas eilíft líf. Eftir eru þá sjö ár.
Þá væntum við komu hans á ný til jarðarinnar til að sækja sína og taka völdin af Satan yfir ríkjum heimsins.
Þetta veit Djöfullinn. Hann hefur því stuttan tíma til að stela slátra og eyða á jörðinni. Hann hefur því látið boð út ganga um að vá sé fyrir dyrum. Váin fyrir hann er endurkoma Jesú Krists.
Heimsmarkmið Sameinuðu þjóðanna um sjálfbæra þróun voru samþykkt af fulltrúum allra aðildarríkja Sameinuðu þjóðanna í september árið 2015.
Þessi markmið líta í fyrstu út fyrir að vera mjög göfug og til að bjarga heiminum en eru af sama toga og loftlagsmálin. Tilgangurinn er að ná drottnunarvaldi yfir öllum heiminum og leiða hann í glötun fyrir árið 2030.
Eitt sinn ræddu Jesús og Djöfullinn þessi mál. Sjáið Mattheusarguðspjalli 4. kafla:
8 Enn tekur Djöfullinn hann með sér upp á ofurhátt fjall, sýnir honum öll ríki heims og dýrð þeirra 9 og segir: Allt þetta mun ég gefa þér, ef þú fellur fram og tilbiður mig.
10 En Jesús sagði við hann: Vík brott, Satan! Ritað er: Drottin, Guð þinn, skalt þú tilbiðja og þjóna honum einum.
11 Þá fór Djöfullinn frá Jesú. Og englar komu og þjónuðu honum.
Biðjiði nú með mér að Katrín okkar Jakobsdóttir geri iðrun, og svari Satan á sama hátt og Jesús gerði, en ekki með þeim hætti sem meirihluti fulltrúa aðildarríkja Sameinuðu þjóðanna gerði 2015, er þeir féllu allir fram og tilbáðu Djöfulinn.
Hérna er lýsing Jesú Krists á stöðunni í dag, en hana er að finna í Opinberunarbók Jóhannesar 13. kafla:
3 Öll jörðin fylgdi Dýrinu með undrun.
4 Og þeir tilbáðu Drekann, af því að hann hafði gefið Dýrinu vald sitt.
Og þeir tilbáðu Dýrið og sögðu: Hver jafnast við Dýrið og hver getur barist við það?
5 Og því var gefinn munnur, er talaði stóryrði og guðlastanir, og lofað að fara því fram í fjörutíu og tvo mánuði.
6 Og það lauk upp munni sínum til lastmæla gegn Guði, til að lastmæla nafni hans og tjaldbúð hans og þeim, sem á himni búa.
7 Og því var leyft að heyja stríð við hina heilögu og sigra þá.
Og því var gefið vald yfir sérhverri kynkvísl og lýð, tungu og þjóð.
8 Og allir þeir, sem á jörðunni búa, munu tilbiðja það,
hver og einn, sá er eigi á nafn sitt ritað frá grundvöllun veraldar í lífsins bók lambsins, sem slátrað var.
9 Sá sem hefur eyra, hann heyri.