Eftir Arnar Sverrisson:

Mischa Paullin bregður sér hér í gervi leiðtoga Alheimsefnahagsráðsins (World Economic Forum), Klaus Schwab. En eins og kunnugt er gekk okkar ástsæla Katrín í ungliðaskóla hans ásamt t.d. Bill Gates og Justin Trudeau. Þessum heiðursmönnum bregður fyrir í myndskeiðinu, en þar er kyrjaður áróðursóður Alheimsefnahagsráðsins.

Þess má geta, að það hefur nú fengið umboð G7-ríkjanna til að leggja nánari skipulagsdrög að endurræstri, nýrri veröld þaulbólusettra gervigreindaröreiga, sem munu fá stundarfjórðungs ferðasvigrúm.

Eftirlitsráðuneytið mun vakta hugsanir þínar og hegðun. Það mun t.d. stöðva rafmagnsbílinn þinn, ef þurfa þykir. Það mun einnig úthluta hlýðnistigum (social credit score), sem takmarkar enn frekar umsvif þín í lífinu. Sannleiksráðuneytið mun einnig grípa inn, ef líkur eru taldar á, að óæskilegar hugsanir bærist innra með þér. Fjármálaráðuneytið mun skammta þér stafrænan lögeyri og sjá til þess, að þú eyðir honum viturlega. Matvælaráðuneytið mun sjá til þess, að þú borðir viðurkennda gervifæðu úr ræktunarverum, enda er smám saman verið að koma bændum fyrir kattarnef og reisa ný ver.

Eitt var t.d. opnað í Hollandi um daginn, þar sem skólabróðir Katrínar, Mark Rutte, leiðir þróunina. Handan landamæranna ríkir annar skólabróðir, Emmanuel Macron, sem Katrín virðist eiga ámóta hlýlegt samband við og Volodomyr Zelensky - enn þá einn skólabróður.

Sérstakur erindreki Bandaríkjanna og forspakki í Alheimsefnahagsráðinu, John Kerry - afar umhverfisvænn - hefur lagt sérstaklega að ungu leiðtogunum að uppræta landbúnaðinn, því af honum stafar alls konar óhollustu fyrir loftslagið. T.d. prumpar bæði búpeningur og mannpeningur (karlar þó mest) lífshættulegu gasi, sem veldur hamfarahlýnun. (Þó varla hérna á suðvesturhorni Íslands í þessum skrifuðu orðum.)

Það augljóst jafnréttismál að leggja landbúnaðinn niður og fækka búpeningi og körlum, því þeir prumpa meira en konur. Það er ein birtingarmynd kúgunar þeirra, samkvæmt kvenfrelsunarumhverfisfræðinni. Fækkun fyðilbera er nefnilega líka á stefnuskránni í kvenfrelsunardeild Sameinuðu þjóðanna og Alheimsefnahagsráðsins.