Norski vísindamaðurinn Kjetil Elvevold segir frá því á facebook að samfélagsmiðlar hafi ritskoðað viðtal sem hann var í hjá norska miðlinum Hemali í janúar 2022.
Í viðtalinu lýsir Kjetil efasemdum og áhyggjum sínum af svokölluðum Covid-19 bóluefnum. Viðtalið var fjarlægt hjá öllum þeim sem deildu því á samfélagsmiðlum. Hann sendi ítarlegt bréf til „staðreyndaskoðara“ á miðlunum en þeir höfðu engan áhuga á málinu.
Kjetil, sem er doktor í lifrarlífeðlisfræði frá háskólanum í Tromsø, sagði meðal annars að skammtímaáhrif hafi sýnt að alvarleg tilfelli vegna Covid bóluefnanna væru þrisvar sinnum fleiri um en vegna bóluefnisins við svínaflensu. Og ellefu sinnum fleiri dauðsföll.
Hann sagðist mjög efins um svokölluð bóluefni gegn Covid-19 og vonast eftir betri tíð. Hann saknar vísindanna sem grundvelli fyrir aðgerðum almennt og bóluefnum sérstaklega. Þegar tilraunameðferð er sett af stað á methraða vitum við of lítið um öryggið.
Í rannsóknunum slepptu framleiðendur öllum dýrarannsóknum, ég veit ekki hvort það hafi nokkurn tíma gerst áður. Það tekur venjulega að minnsta kosti sex til sjö ár að prófa nýtt lyf. Það verður að skoða áhrifin með tímanum áður en vitað er hvort meðferðin sé örugg, sagði Kjetil.
„Þetta gat gengið svona fljótt fyrir sig vegna þess að fagmenn hafa unnið saman og samhliða“, sögðu talsmenn bóluefnanna.
En það er fáviska. Þetta er tækni sem hefur aldrei áður verið notuð á mannfólki. Þú verður að skoða áhrif með tímanum áður en þú veist hvort meðferðin er örugg. Af skammtímaáhrifum sjáum við nú þrisvar sinnum fleiri alvarlega kvilla af völdum Covid-bóluefnisins en af völdum bóluefnisins gegn svínaflensu, og ellefu sinnum fleiri dauðsföll, segir Kjetil.
Framleiðendur lyfjanna slepptu eiturefnaprófunum. Það eru engar ADME rannsóknir (upptaka, dreifing, umbrot, útskilnaður). Það eru engin langtímagögn til og allt eru þetta lágmarkskröfur til að geta sagt að lyf hafi verið ítarlega prófað.
Ég myndi ekki treysta yfirlýsingum lækna, segir Kjetil.
Gaddapróteinið sem framleitt er af frumunum sem taka upp agnirnar með mRNA ætti að framleiða ónæmissvörun, eins og að búa til mótefni. En gaddaprótein sem fara í blóðið geta valdið því að þau bindist ACE2 viðtakanum á frumum. Þá fær fólk einkenni sem svipar til Covid-19. Læknar segja það vera jákvætt vegna þess að „það sýnir að bóluefnið virki.“ En ef fólki líður illa eftir sprautuna er líklegra að það stafi af aukaverkunum.
Ég held að margir læknar viti lítið um þetta, ég myndi ekki treysta yfirlýsingum þeirra. Ég held að læknar segi og geri það sem þeir gera vegna þess að þeir treysta norskum heilbrigðisyfirvöldum (FHI). Og margir gera það. En ég held allt það sem FHI segir ekki sé vandamálið. Það er mikilvægur munur á lækni annars vegar og vísindamanni hinsvegar. Starf vísindamannsins er að vera efins, gagnrýninn og skoða rannsóknarrit. Það er ekki starf læknis, sagði Elvevold og bætti við:
Fyrrum lektor minn við háskólann, sem var læknir með doktorsgráðu, sagði að læknanám væri framhaldsskóli. Bóluefni ætti að veita ónæmi og koma í veg fyrir sýkingu. Þessi gera það ekki, fullyrðir Kjetil.
Kjetil Elvevold er doktor í lifrarlífeðlisfræði frá háskólanum í Tromsø og fyrrum vísindamaður hjá Biotec Pharmacon. Hann hefur frá árinu 2015 rannsakað lípíð nanóagnir með mRNA (sama tækni sem Moderna og Pfizer nota). Hann er meðstofnandi og vísindamaður D'Liver AS, sem framkvæmir rannsóknir fyrir lyfjaiðnaðinn.
Allt viðtalið má sjá hér:
