Orkustofnun, sem starfar undir yfirstjórn Umhverfis, orku-og loftslagsráðuneytisins hefur auglýst styrki til kaupa á þungaflutningabifreiðum um allt að 20 milljónir. Umsóknarfrestur rennur út í dag, 11. júlí.

Styrkurinn nær til tækja sem ganga að öll leyti fyrir rafmagni eða endurnýjanlegu eldsneyti. Styrkurinn er veittur eftir þyngdarflokkum, allt að 1 milljón króna fyrir hvert tonn tækja sem eru á bilinu 5-16 tonn. Fyrir tæki sem eru yfir 16 tonn, er heildar stuðningur allt að 20 milljónir króna. Heildarúthlutun að þessu sinni eru 400 millljónir króna. Hér má sjá auglýsingu Orkustofnunar.