Ofskynjunarsveppir gætu verið ástæðan fyrir því að Janet Yellen, fjármálaráðherra Bandaríkjanna, hafi hneigt sig með nokkuð einkennilegum og „undirgefnum“ hætti fyrir kínverskum embættismanni í síðustu viku í heimsókn sinni í Kína.
Yellen, sem er 76 ára, gæddi sér á fjórum skömmtum af jian shou qing villisveppum á veitingastað í Peking skömmu eftir að hún kom þangað 6. júlí sl. Kínverskir ríkisfjölmiðlar greindu frá málinu og hrósuðu ráðherrananum jafnframt fyrir færni sína í meðhöndlun kínverskra matarprjóna.
Sveppirnir eru þekktir í Yunnan héraði fyrir ófyrirsjáanleg ofskynjunaráhrif, að sögn CNN.
„Maður telur sig vera að ganga beint en dettur svo á hliðina,“ sagði matreiðslumaður við Xinhua ríkisfréttastofuna í frétt um hina öflugu krafta villisveppanna. Fréttin var þó ekki birt fyrr en eftir að Yellen fór af landi brott.
Yellen heimsótti Kína meðal annars vegna erfiðra samskipta Kína og Bandaríkjanna. Ekki fylgdi sögunni hvort sveppaneyslan hafi hjálpað til við að liðka fyrir samskiptum ríkjanna tveggja, en samkvæmt CNN jukust viðskipti veitingastaðarins mikið eftir heimsókn fjármálaráðherrans.
Hér má sjá Yellen hneigja sig þrisvar fyrir kínverska embættismanninum, nokkuð sem ekki tíðkast í landinu.
#US Treasury Secretary Janet Yellen bows multiple times to #Chinese Communist Party economy czar.
— Indo-Pacific News - Geo-Politics & Military News (@IndoPac_Info) July 9, 2023
That much bowing is definitely excessive and gives the appearance of submission. It's embarrassing.pic.twitter.com/0pXcIao1a1