Grunnskólakennari á höfuðborgarsvæðinu, varð að hringja sig inn veikan í dag, þar sem honum ofbauð nýjar kennsluleiðbeiningar sem koma frá Menntamálastofnun.

Kennarinn sem ekki vill láta nafn síns getið deildi efninu til vina og vandamanna, sem er nú komið í dreifingu víða á samskiptamiðlum.  Í kennsluleiðbeiningunum, er fjallað um nýútgefina kynfræðslubók Menntamálastofnunar fyrir 7-10 ára börn. Í leiðbeiningunum er sérstaklega fjallað um að virðist kynlausa veru sem er kölluð Aló. Aló er með dökka húð, „og í bókinni er það aldrei staðfest hvert úthlutað kyn og kynvitund Alós er og hvaða fornafn Aló vill nota,“ segir í leiðbeiningunum. 

Tvö kyn hugarórar hvítra manna

Athygli vekur að í leiðbeiningunum kemur fram að móðir hins „kynlausa Aló,“ hafi ekki mætur á kynjatvíhyggjunni (sem er tengd hvíta kynþættinum og nýlendustefnunni.)

Það að kynin séu líffræðilega tvö, eru því hugarórar hvítra manna og nýlendustefna samkvæmt leiðbeiningunum. 

Leiðbeiningarnar í heild sinni:

Aló er með dökka húð og á ýmsan hátt sú persóna sem er mest flæðandi og ber nafn sem er fremur óalgegnt.  Í bókinni er það aldrei staðfest hver úthlutað kyn og kynvitund Alós er og hvaða fornafn Aló vill nota. Í einni myndasögunni sjáum við Aló verða vitni að strák er sagt að hann geti ekki verið í bleiku og síðar segir Aló mömmu sinni að Aló haldi upp á bleikan lit. Þetta gæti valdið því að lesendur geri ráð fyrir að Aló hafi verið úthlutað karlkyni við fæðingu og sé strákur en það er ekki ljóst.  Höfundinum finnst líklegast að Aló sé með flæðandi kynvitund (Aló gæti e.t.v. vilja nota orðin kynsegin eða flæðigerva, en við vitum ekki fyrir víst og ekki öruggt að Aló viti það heldur.) Aló er alið meira upp eins og strákur heldur en stelpa, en mamman hafði ekki miklar mætur á kynjatvíhyggjunni (sem er tengd hvíta kynþættinum og nýlendustefnunni.) En þegar sagan hefst er Aló að spyrja sig hvar Aló passar inn í hvað varðar kyn. Aló ber þess vegna nafn sem við upplifum að gæti verið strákur, stelpa, hvort tveggja eða þarna á milli. Í þessari lýsingu eru engin fornöfn notuð yfir Aló þar sem það er sú leið sem höfundurinn fer. Sum okkar kjósum að nafn okkar sé ávalt notað í stað fornafns, önnur vilja nota fornafn. Við vitum ekki hvaða fornafn Aló myndi kjósa og því færi líklega best á að nota alltaf nafnið Aló í stað fornafns þegar talað eru um Aló. 

Hér má sjá skjáskot af leiðbeiningum til kennara varðandi bókina umdeildu:

Kynfræðsluleiðbeiningar til grunnskólakennara.