Ingibjörg Gísladóttir skrifar:

Ég var alin upp við hlustun á alla helstu fréttatíma RÚV og það var ekki fyrr en á þessari öld að það hvarflaði að mér að RÚV væri ekki hlutlaust í fréttaflutningi sínum og nú hlusta ég ekki á fréttir RÚV ótilneydd því ég upplifi allt sem þaðan kemur sem áróður og lygar.

Er ég horfi í baksýnis-
spegilinn þá sýnist mér
 að RÚV-arar hafi frá
 upphafi aðhyllst austurþýskan kommúnisma sem innibar fyrirlitningu á öllu vestrænu, enda reistu þarlendir menn hinn andfasíska múr í Berlín og studdu vopnaða baráttu Palestínumanna í Ísrael líkt og öfgavinstrisinnarnir í Baader-Meinhof samtökunum gerðu einnig.

RÚV-arar haldið uppi samfelldum áróðri

RÚV-arar hafa haldið uppi samfelldum áróðri gegn Ísraelsmönnum (þeir eru á móti sterkum þjóðríkjum) en sleppt því sem mögulega gæti sýnt þá í jákvæðu ljósi. Okkur eru þeir sýndir sem landræningjar og kúgarar frumbyggjaþjóðar en frásagnir þeirra er fóru um Landið helga á 19. öld sýna samt eyðiland sem nær aðeins bedúínar byggðu. Mjög fjölbreyttur hópur bjó þó í Jerúsalem. Í ferðasögu Marks Twains, The Innocents Abroad, segir hann frá því í kafla LIII að er hann kom þar 1867 hafi búið þar 14.000 sálir af ýmsu þjóðerni, fátækar og tötrum klæddar en annars sá hann aðeins bedúína. Það var ekki fyrr en eftir að síonistarnir hófu að koma í hópum fyrir aldamótin 1900 að flýja pogrom í Rússlandi sem aröbum tók að fjölga á svæðinu, því þá fengu þeir launaða vinnu.

Áhyggjur RÚV-ara af hlýnun jarðar vegna ofgnóttar CO2 urðu áberandi upp úr aldamótunum og tilvist landnámshlýskeiðsins og litlu ísaldarinnar var afneitað með hokkíkylfugrafinu fræga. Um tíma var það síendurtekið í fréttum RÚV að 97% vísindamanna teldu að hlýnun jarðar af mannavöldum stefndi í óefni en sú frétt reyndist tóm tjara. Á borgarafundi um loftslagsmál á RÚV 2019, þar sem tveimur „afneitunarsinnum“ var stillt upp á móti fullum sal sanntrúaðra, kom afstaða RÚV-ara vel í ljós. Ósönnuð tilgáta um að CO2 valdi hlýnun er sannleikur að þeirra mati, en pólitískar ástæður kunna þó að búa undir.

Árið 2010 sagði þáverandi formaður loftslagsnefndar SÞ, Ottmar Edenhofer, að starf nefndarinnar gengi út á að jafna út auði heimsins upp á nýtt og Greta Thunberg og félagar kölluðu í greininni Why We Strike Again (2019) eftir niðurrifi allra kúgunarkerfa, þar með töldu feðraveldinu, því þau hafi skapað loftslagskreppuna. Þrátt fyrir 27 loftslagsráðstefnur eykst notkun kola og jarðefnaeldsneytis í heiminum en Vesturlönd afiðnvæðast. Það ætti að segja okkur eitthvað.

Er Trump var kjörinn forseti 2016 þá komu RÚV-arar út úr skápnum sem öfgaarmur demókrata og úthúðuðu honum af innlifun upp á hvern einasta dag. Þeir hötuðu slagorð hans „Ameríka fyrst“, andstöðu hans við opin landamæri og stuðning hans við kristni og borgaraleg gildi. RÚV endurtók allan áróðurinn gegn Trump. Hann átti að vera handgenginn Pútín og vilja koma á einræðisstjórn í BNA, en þegar Davosliðinn Ursula von der Leyen, var gerð að leiðtoga ESB eftir að hún kynnti hugmyndir sínar um Sovétríki Evrópu á Bilderbergfundi vorið 2019 þá heyrðist ekki bofs í þeim.

RÚV er víðsfjarri

„því að vera allra landsmanna. Engin virðing er þar borin fyrir siðareglum blaðamanna en pólitískum áróðri stíft haldið að hlustendum.“

Sagt hefur verið að hlutverk fjölmiðla sé að veita ríkisvaldinu aðhald en lítt ber á viðleitni til þess. Ekki gagnrýndu RÚV-arar þá ákvörðun heilbrigðisráðherra að gera leynilegan samning við Pfizer, fyrirtæki sem er margdæmt fyrir að setja skaðleg lyf
á markað.

RÚV virðist í mun að grafa undan þjóðríkinu með öllum ráðum. Menn þar á bæ reyna að breyta íslenskri málnotkun og taka upp kynhlut- laust mál og byggja þar á þeirri nýmarxísku hugmynd að konur séu kúgaðar og undirokaðar af körlum (sérstaklega þó transkonur). Einnig er RÚV hlynnt opnum landamærum. Okkur er ætlað að friðþægja fyrir syndir nýlenduherra heimsins með því að hætta að vera hvít, tiltölulega auðug og kristin frumbyggjaþjóð.

Eitrið sem RÚV hefur spúið inn í rætur þjóðveldisins gegnum tíðina 
er kröftugt, þjóðkirkjan er orðin nýmarxísk og jafnvel gamlir sjálfstæðismenn vilja nú færa ESB öll völd. ESB er hins vegar á valdi heimsmarkaðsaflanna. Lyfjaiðnaðurinn græðir á að selja okkur lyf sem gera okkur heilsulaus og vopnaframleiðendur þurfa sín stríð, nú í Úkraínu þar sem ungir menn eru strádrepnir í boði Biden-stjórnarinnar.

RÚV lýgur til um alla hluti

Okkur er sagt að Rússar hafi lagt Krímskaga undir sig 2014 þegar þeir gerðu það í raun árið 1783 á tíma Katrínar miklu. Þeir segja okkur einnig að innrás Rússa hafi verið algjörlega tilefnislaus en stríðið hófst í raun 2014 með skipulögðu valdaráni Viktoríu Nuland og félaga í Kænugarði. Hlutverk hennar getur ekki hafa farið fram hjá fréttamönnum RÚV því Guardian birti á sínum tíma upptöku þar sem hún ráðgerir hvaða leppur BNA skuli taka við stjórn landsins.

Illgirnislegar árásir á einstaklinga og fyrirtæki einkenna RÚV enda allt leyfilegt í baráttunni gegn „borgaralegu afturhaldsöflunum“. 
Í Samherjamálinu virðast þeir hafa stigið yfir mörk laga og réttar eins og öfgamönnum er gjarnt og gætu þeir átt eftir að súpa seyðið af þeim aktívisma sínum.

Fréttastofa RÚV grefur undan þjóðríkinu með áróðurseitri sínu. Lokum henni!

Greinin birtist fyrst í Morgunblaðinu 28.9.2023