Dr. Pierre Kory er væntanlegtur til landsins og verður hann meðal fyrirlesara á Málþinginu þann 4. október næstkomandi á Grand hótel. Hér er um að ræða einn allra fremsta sérfræðing í heiminum í meðferð kóvid sjúklinga og sprautuskaðaðra.
Pierre er meðstofnandi FLCCC (flccc.net) og vafalaust einn af þeim læknum sem bjargað hefur hvað flestum mannslífum í faraldrinum, hann er stundum nefndur guðfaðir nóbelsverðlaunalyfsins ívermektín.
Ein mesta misgjörðin af hálfu heilbrigðisyfirvalda, sérstaklega í hinum vestræna heimi, var að neita fólki í áhættuhópum um skilvirkar snemm-meðferðir en Dr. Kory og félagar hafa þróað árangursrík prótókól fyrir forvörn, snemm meðferðir, sjúkrahússmeðferðir og fyrir þá sem glíma við eftirköst eftir sýkingu og/eða tilraunabóluefnin.
Dr. Kory er sérfræðingur í gjörgæslulækningum, lungna- og lyflækningum, höfundur fjölda vísindagreina og kennslubóka í læknisfræði. Þeir sem á hann hlusta skynja strax ástríðuna sem geislar af honum fyrir starfinu sem fær fólk til að trúa því að þrátt fyrir allt séu til alvöru læknar sem setja hagsmuni skjólstæðinga sinna ofar öllu öðru. Hann kom fram fljótlega með harkalega gagnrýni á stefnu stjórnvalda í faraldrinum og hefur verið kallaður oft til vitnis fyrir þingnefndum í Washington DC og í fjölda ríkisþinga.
Málþingið er einstakt tækifæri fyrir Íslendinga til að hlusta óritskoðað á sérfræðinga í heimsklassa og spyrja þá spjörunum úr á pallborði.
Fyrir þá sem hafa áhuga á að kynna sér læknirinn betur má sjá ýmsa tengla hér neðar, frá störfum og baráttu hans frá upphafiCovid faraldursins.
Vitnisburður um snemm-meðferðir kóvid sjúklinga fyrir þingnefnd í Washington DC:
- Alvöru læknir - viðtal Del Bigtree við Pierre Kory:
- COVID-19 Second Opinion - hringborðsumræður sérfræðinga í þinginu í Washington DC:
- Kappræða um kosti og galla ivermektíns:
- Lyfið sem bjargaði milljónum:
- Ivermectin:The truth
- Bókarkynning: The War on Ivermectin:
- The COVID Clots: A Full Measure Town Hall - Sharyl Attkisson:
Um fyrirlesara:
- Alexandra Latypova (Sasha), MBA, fyrrum stjórnandi rannsókna-og þróunarfyrirtækja í lyfjaiðnaðinum. Hún hefur átt og stjórnað nokkrum rannsóknafyrirtækjum og hefur framkvæmt klínískar rannsóknir fyrir yfir 60 lyfjafyrirtæki um allan heim. Hún varð áhyggjufull vegna óreglunnar, yfirhylmingarinnar og augljósra svika í tengslum við afar háan fjölda dauðsfalla og örkumlunar sem í ljós kom skömmu eftir að sprautuherferðin hófst. Síðan þá hefur hún rannsakað málin ofan í kjölinn og verið virk í að koma sannleikanum á framfæri.
- Philipp Kruse er lögfræðingur sem sérhæfir sig í skatta- og stjórnskipunarrétti. Frá árinu 2020 hefur Philipp höfðað alls 22 mál tengd COVID-19 þvingunum stjórnvalda, þar sem reynt hefur á sönnunarbyrði og stjórnarskrárvarinn rétt. Í einu þeirra úrskurðaði Hæstiréttur Sviss að jákvæð niðurstaða PCR prófs geti ekki þjónað sem sönnun um sjúkdóm. Philip er einnig lögmaður hóps svissneskra flugmanna gegn „bóluefnaskyldu“ vinnuveitanda þeirra og er leiðandi rödd borgaralegra réttinda. Hann er meðstofnandi og -forseti svissnesku lögfræðinefndarinnar, sem veitir svissneska þinginu og stjórnvöldum lagalegar greiningar er tengjast viðvarandi brotum þeirra á stjórnarskránni. Í nóvember 2022 birti teymi Philipps eina umfangsmestu ákæru sem hefur verið lögð fram gegn svissneskum stofnunum; Svissnesku lyfjastofnuninni o.fl. fyrir að heimila á ólögmætan hátt mRNA-byggð COVID-19 „bóluefni“.
- Vibeke Manniche MD,PhD, einn af þekktustu læknum Danmerkur, höfundur 35 bóka aðallega um börn, fjölskylduna, svefn, læknisfræði o.fl. Sem læknir í 34 ár hefur faraldsfræði verið ofarlega á baugi hjá henni, bæði varðandi sjaldgæfa sjúkdóma og lýðheilsu. Hvað varðar kórónukrísuna var hún eini danski læknirinn sem í upphafi talaði opinberlega gegn lokunum og skort á meðalhófi. Tölfræðin og vísindin studdu ekki lokanir - en hræðsluáróður gerði það. Hún er einn af höfundum vísindagreinarinnar "Batch-dependent safety of the BNT162b2 mRNA COVID-19 vaccine" sem kom út í vor og hefur vakið mikla athygli.
- Katherine Watt er löglærður rannsóknarblaðamaður, einnig með gráður í heimspeki og náttúruvísindum. Hún hefur starfað við lögfræðirannsóknir og skrif fyrir lögfræðistofur á sviði stjórnskipunar-, borgararéttinda og umhverfisréttar og síðustu ár hefur hún skrifað talsvert um spillingu fyrirtækja og stjórnvalda og ekki síst um málefni matvæla-, vatns- og orkuöryggis. Síðan 2020 hefur hún rannsakað breytingar á bandarískum lögum sem koma í veg fyrir saksókn vegna lífeðlisfræðilegra glæpa á tímum Covid.