Gústaf Skúlason skrifar:
Hryðjuverkaforinginn Ismail Haniyeh lifir lúxuslífi í Katar eftir að hafa stolið milljörðum dollara af peningum Palestínumanna sem flestir búa við atvinnuleysi og fátækt. Eigur hans eru metnar á fjóra milljarða dollara.
Á meðan Gazabúar eru í eldlínunni í blossandi átökum við Ísrael sem Hamas hóf með blóðugasta hryðjuverki gegn gyðingum síðan í helförinni, þá lifa sumir af foringjum hryðjuverkasamtakanna Hamas þægilegu lífi langt í burtu. Ismail Haniyeh, sem almennt er talinn foringi palestínsku hryðjuverkamannanna, býr í Katar og hefur oft sést flagga auðæfum sínum.
Palestínumenn á Gaza eru í hörmulegri stöðu í stríði Hamas gegn Ísrael. Eina raforkuorkuverið á svæðinu varð eldsneytislaust í síðustu viku og einnig er skortur á vatni, mat og öðrum nauðsynjum. Sjúkrahús eru ofurhlaðin og fjöldi slasaðra og látinna heldur áfram að aukast í kjölfar linnulausra loftárása Ísraela á Gaza. Aðstæður fátækra óbreyttra borgara á Gaza í þessu stríði beinir einnig kastljósinu að lífi foringja hryðjuverkahreyfingarinnar í vellystingum fyrir utan hið þéttbýla svæði.
Hver er Ismail Haniyeh?
Ismail Haniyeh er almennt talinn æðsti foringi Hamas. Hann hefur oft verið gagnrýndur fyrir að búa í þægindum og vellystingum á meðan flestir á Gaza-svæðinu búa við fátækt. Haniyeh var lykilmaður í Hamas-hreyfingunni seint á níunda áratugnum og var skipaður forsætisráðherra Palestínu árið 2006 af Mahmoud Abbas forseta eftir að Hamas vann kosningarnar á Gaza. Eftir að flokkur Abbas, Fatah, var hrakinn frá Gaza af Hamas, var Haniyeh vikið úr embætti.
Haniyeh vísaði uppsögninni á bug sem „stjórnarskrárbroti“ og lýsti því yfir, að ríkisstjórn hans „myndi ekki yfirgefa þjóðarábyrgð sína gagnvart palestínsku þjóðinni“. Hann hélt áfram að vera við völd á Gaza. Síðan þá hafa ekki verið haldnar kosningar. Árið 2018 var Haniyeh stimplaður hryðjuverkamaður af bandaríska utanríkisráðuneytinu. Haniyeh fór frá Gaza árið 2019 í „tímabundna utanlandsferð“ og hefur síðan verið búsettur í Katar.
Leiðtogi Hamas í Katar
Haniyeh vakti athygli skömmu eftir óvænta árás Hamas á Ísrael 7. október. Myndband birtist af Haniyeh og öðrum leiðtogum Hamas á skrifstofu í Doha, höfuðborg Katar, þar sem þeir voru að horfa á fréttir af hryðjuverkaárás Hamas á saklausa Ísraelsbúa á stórskjá. Síðan krupu þeir allir í bæn og lofgjörð í þakklætisskyni fyrir hin hrottalegu morð Hamas, sjá myndskeið hér að neðan:
The head of the Hamas Political Bureau, Ismail Haniyeh, his deputy, Saleh Al-Arouri, and other members of the Hamas leadership "prostrate in gratitude" for the ongoing attacks against Israel. pic.twitter.com/ACuajF4PTf
— Gianluca Pacchiani (@GLucaPacchiani) October 7, 2023
CBC News sagði fréttir af þessu:
„Þetta er áminning um, að á meðan saklausir borgarar á Gaza deyja hundruðum af völdum loftárása og tugir þúsunda til viðbótar verða heimilislausir, þá eru leiðtogar Hamas í loftkældum þægindum í 2.000 kílómetra fjarlægð sem gestir emír Katars, Tamim bin Hamad Al-Thani.”
Auðgaðist á að stela sköttum almennings
Katar hýsir hryðjuverkaforingja Hamas og samtökin hafa einnig skrifstofu í Doha. Haniyeh hefur tekist að raka saman peningum á meðan hann fór með fjármál Hamas-stjórnarinnar í Gaza meðal annars með sköttum á vörum sem fluttar eru inn til Gaza-svæðisins frá Egyptalandi. Eignir Haniyeh eru metnar á 4 milljarða dollara í dag samtímis og margir á Gaza lifa á andvirði eins dollara á dag.
Samkvæmt grein á ísraelsku fréttasíðunni Ynet árið 2014, þá tóku háttsettir foringjar Hamas, þar á meðal Haniyeh, 20% skatt á öllu sem smyglað var um neðanjarðargöng sem byggð voru á Gaza. Skattarán Hamas-stjórnarinnar á innflutningi og útflutningi, fyrirtækjum og tóbaki hefur harðlega verið gagnrýnt af óbreyttum palestínskum borgurum sem segja það auka vanda þeirra. Að sögn Arab Weekly hafa öryggissveitir Hamas kæft mótmælin niður.
Neitar fólki að flýja Gaza en býr sjálfur á lúxushóteli í Doha
Árið 2010 keypti Haniyeh lóð fyrir 4 milljónir dollara á strönd Gaza nálægt Shati flóttamannabúðunum, sem hann skráði undir nafni tengdasonar síns. Hann á einnig margar íbúðir, einbýlishús og byggingar á Gaza-svæðinu, skráðar undir nöfnum nokkurra af 13 börnum hans. Árið 2021 var myndbandi dreift á netinu sem sýnir Haniyeh leika fótbolta á snyrtilegum fótboltavelli undir glerskýjakljúfum Katar. Önnur mynd sýndi hann í sérsaumuðum jakkafötum í fylgd lífvarða fara á fund yfirmann Katar.
Samkvæmt SÞ lifa 81% íbúa Gaza við fátækt. Um 70% ungmenna á Gaza eru án atvinnu, að sögn Al Jazeera. Svæðið verður mjög oft rafmagnslaust.
Þegar Ísrael varaði íbúa norðurhluta Gaza í síðustu viku við hernaðaraðgerðum og hvatti þá til að flýja suður, þá gagnrýndi Haniyeh þetta með orðunum „Nei við brottvísun frá Gaza og nei við brottvísun frá Gaza til Egyptalands.” Þegar hann sagði þessi orð, þá dvaldi hann á Four Seasons hótelinu í Doha, sem Katar borgar fyrir.