Gústaf Skúlason skrifar:

Í kjölfar þess að faraldurinn hægir á sér og sífellt fleiri rannsóknir birtast um hið umdeilda mRNA-bóluefni, þá hafa alvarlegar aukaverkanir komið í ljós sem hafa áhrif á mun fleiri en áður var viðurkennt. Illa gengur að halda Covid burtu og virðist sjúkdómurinn frekar aukast hjá þeim sem taka sprautuna. Í framhaldi af þessu er blóð óbólusettra og núna að undanförnu einnig sæði frá óbólusettum gjöfum orðið sérstaklega eftirsóknarvert.

Á Facebook leita konur eftir óbólusettum sæðisgjöfum. Eftirspurnin er svo mikil að búið er að stofna sérstaka hópa fyrir óbólusetta. Einn þeirra með tæplega 250 meðlimi hefur hjálpað mörgum að stofna fjölskyldur með góðum árangri. Meðlimir eru frá bæði Bandaríkjunum og Bretlandi og flestir sæðisgjafar bjóða sæðisfrumur sínar endurgjaldslaust.

Að sögn bandarískra yfirvalda eru engar vísbendingar um, að bóluefnin hafi áhrif á frjósemi og því er haldið fram að þau séu algjörlega örugg. En Jonathan David Rinaldi, stofnandi hópsins, treystir því ekki. Hann segir í viðtali við Daily Mail:

„Ég treysti ekki á risavaxin yfirvöld né lyfjarisana, ég treysti þeim ekki og ég þarf ekki að sprauta mig með hlutum sem ég veit ekki einu sinni hvað eru.”

Á sama tíma staðhæfir Cryos, sem er einn stærsti sæðisbanki Bandaríkjanna, að „mjög fáir viðskiptavinir hafa óskað eftir upplýsingum um óbólusetta gjafa.“ Þess í stað virðast þeir snúa sér að einkareknum valkostum.