Gústaf Skúlason skrifar:

Loftslagstrúboðarnir reyna að telja fólki trú um, að um miðja 19. öld þegar maðurinn byrjaði að nota jarðefnaeldsneyti, þá hafi verið hafist handa við að eyðileggja loftslagið og hitastig byrjað að hækka. Þetta er alrangt. Hitastig jarðar byrjaði að hækka löngu áður, segir vistfræðingurinn Patrick Moore í viðtali (sjá myndskeið að neðan). Samkvæmt Moore eru engar vísbendingar til um að aukin koltvísýringslosun leiði til hækkandi hitastigs. Að framleiða koltvísýring þýðir ekki að haft sé áhrif á loftslagið. Hitastig jarðar hefur farið hækkandi allt frá upphafi 18. aldar, útskýrir hann.

Vistfræðingurinn og stofnandi Greenpeace, Patrick Moore, gagnrýnir trúboðið um „loftslagskreppuna.“Hann segir í viðtali við Chris Williamson:

„Nei, við erum ekki í loftslagsneyðarástandi. Það er engin loftslagskreppa til. Þetta fólk (loftslagstrúboðar) vill, að við trúum því að heimurinn hafi byrjað árið 1850 þegar notkun jarðefnaeldsneytis hófst. En hitastig hækkaði einnig í 150 ár fyrir þann tíma.”

Hitinn fór hækkandi löngu áður en maðurinn byrjaði að nota jarðefnaeldsneyti

Samkvæmt Patrick Moore eru engar sannanir fyrir því að koltvísýringur leiði til hækkandi hitastigs. Fylgni er ekki það sama og orsakasamband, bendir hann á:

„Það eru engar vísbendingar um, að aukning á koltvísýringi í andrúmsloftinu sé orsök hækkandi hitastigs. Alls engar! Vegna þess að hitastig fór hækkandi fyrir þann tíma.”

Patrick Moore greinir frá 40 ára tímabili á 18. öld, þegar hitastigið hækkaði meira og hraðar en það gerði eftir 1850 og sérstaklega frá 1950 þegar sífellt meira af koltvísýringi kom út í andrúmsloftið.

Loftslagstrúboðar fara vísvitandi með ósannindi

Patrick Moore vísar til hitastigsgagna frá Englandi frá 17. öld.

„Þetta eru lengstu upplýsingar um hitastig sem til eru í heiminum. Þær sýna mjög stöðugt hækkandi hitastig upp á rúmlega eina gráðu á Celsíus á 320 árum. Það er ekkert stórmál.”

„Þeir halda því fram, að hitastig hafi aldrei hækkað svona hratt áður. Það eru ósannindi. Hitastig hefur margoft hækkað svona hratt …Sérstaklega hækkaði það hraðar og lengra en það hafði gert síðan á árunum 1690 til um það bil 1730. Allt er í gögnunum.”

Sjá styttri klippu á X hér að neðan og þar fyrir neðan allan viðtalsþáttinn með Patrick Moore:

Greenpeace co-founder, Dr. Patrick Moore: "There is zero evidence that a CO2 increase in the atmosphere is the cause of rising temperature. None whatsoever."

Full interview: https://t.co/3O2J9v1Vup

Subscribe to us on Telegram: https://t.co/3xxZ9IufUI

For more content like… pic.twitter.com/P4v8mYOL19

— Wide Awake Media (@wideawake_media) November 26, 2023