Lars Enarsson er sænskur bíblíukennari til heimilis í Ísrael. Hann skrifaði nýlega grein á heimasíðu Swebbtv í Svíþjóð. Greinin birtist í íslenskri þýðingu hér:
Bræðralag múslíma hefur lýst yfir markmiði sínu að yfirtaka allan heiminn
Bræðralag múslima, stærsta hreyfing íslamista í heiminum í dag, var stofnuð af Hasan al-Banna árið 1928. Þeir eru helgaðir trúarjátningunni: „Allah er markmið okkar. Spámaðurinn er leiðtogi okkar. Kóraninn er lögmál okkar. Heilagt stríð er leið okkar. Að deyja fyrir Allah er okkar æðsta von.”
12 punkta stefnuskrá Bræðralagsins:
Árið 1982 setti Bræðralag múslima upp 12 punkta stefnu til að „koma á íslamskri ríkisstjórn á jörðinni“ – auðkennd sem „Verkefnið.“ Hér á eftir kemur listi sem er hluti af „Verkefninu” með ýmsum aðferðum og brögðum til að framkvæma íslamska landvinninga á Vesturlöndum. Það felur meðal annars í sér:
- Gerum Palestínu að alþjóðlegu, afgerandi máli fyrir alla múslima
- Gerum algera frelsun Palestínu frá Ísrael og stofnun íslamsks ríkis þar að hornsteini áætlunarinnar um alþjóðleg yfirráð íslams
- Stundum stöðugar herferðir til að kynda undir hatri múslima á gyðingum og höfnum allri umræðu um sátt og sambúð við þá
- Stofnum hryðjuverkasellur heilaga stríðsins í Palestínu
- Tengjum hryðjuverkastarfsemi í Palestínu við alþjóðlegu hryðjuverkahreyfinguna
- Söfnum nægum peningum til að viðhalda og styðja heilaga stríðið að eilífu um allan heim
Bræðralag múslíma stofnaði Hamas
Fimm árum síðar stofnaði múslímska Bræðralagið hryðjuverkasamtökin Hamas. Um svipað leyti var al-Qaeda einnig stofnað. Flokkur Erdogans í Tyrklandi byggir á sömu hugmyndafræði og Bræðralag múslíma. Áður en Erdogan varð forsætisráðherra var Erdogan dæmdur í fjögurra mánaða fangelsi fyrir að vitna opinberlega í ljóð með eftirfarandi orðum:
„Moskurnar eru kastalar okkar, hvelfingarnar eru hjálmar okkar, turnarnir eru byssur okkar og hinir trúuðu eru hermenn okkar…“
Erdogan hefur átt stjórnmálaferil í Tyrklandi sem líkist mjög ferli Hitlers í Þýskalandi.
Sterkasta vígi Bræðralags múslíma í Evrópu er í Svíþjóð
Bræðralag múslima hefur lýst því yfir, að markmið þeirra sé að leggja allan heiminn undir íslam út frá Gaza.
Forsætisráðherra Tyrklands, Recep Erdogan, hefur lagt allt sitt á vogarskálarnar fyrir íslamskri heimsvaldastefnu Hamas.
Þar sem sterkasta vígi Bræðralags múslima í Evrópu er í Svíþjóð er þetta ákaflega mikilvægt mál sem ætti að vekja athygli á og ræða!
Heimasíða Lars sem hefur að geyma ýmis fræðslumyndbönd og er hægt að skoða hér: