Nýjasta reiðarslagið í rafbílaiðnaðinum kom á föstudaginn þegar Ford tilkynnti að um 1.400 af 2.100 starfsmönnum yrðu fluttir frá Lightning verksmiðjunni í Dearborn, Michigan, að því er The Wall Street Journal greindi frá. Fara starfsmennirnir til annarra Ford verksmiðja til að auka framleiðslu á vinsælum bensínbílum í staðinn.

Aukin framleiðsla á bensínknúnum Bronco sportbílum og Ranger pallbílum – Hlutabréf Ford hækkuðu

Morningstar greinir frá því, að sumir starfsmannanna muni nýta sér nýlega umsamda lífeyrissamninga stéttarfélagsins. 700 verða fluttir til samsetningarverksmiðju fyrirtækisins í Michigan og bætt við til að auka framleiðslu á bensínknúnum Bronco sportbílum og Ranger pallbílum.

Ford segir, að ákvörðun fyrirtækisins um að draga úr framleiðslu á F-150 Lightning muni skapa 900 störf. Hlutabréfaverð Ford hækkaði um meira en hálft prósent á föstudagsmorgun eftir að fréttirnar voru tilkynntar.

Neytendur hafa sýnt áhuga í auknum mæli að undanförnu á hefðbundnum ökutækjum í stað rafbíla. Business Insider hefur greint frá því, að rafgeymar jafnvel fyrir einföldustu gerðir Tesla séu frá 5.000 – 20.000 $ – eða jafnvel enn þá dýrari. Sömu rafgeymar eru einnig viðkvæmir fyrir sjálfsíkveikju og setja umhverfið þannig í hættu auk þess hversu illa gengur að slökkva slíkan eld. Bílarnir eru þá settir í einangrun, þar sem hætta er á að kvikni aftur í rafgeyminum jafnvel mörgum dögum síðar.

Allt að 46% styttri vegalengd í frosti en gefið er upp

Margir eigendur nýrra rafbíla eru einnig óánægðir með, hvernig rafbílarnir standa sig í kulda. Hægir þá á hleðslunni sem kostar aukalega. Á sama tíma minnkar akstursvegalengdin verulega á köldum vetrarmánuðum. Yfirleitt er einungis gefin upp akstursvegalengd miðað við kjöraðstæður en ekki sagt frá hversu mikið getan skerðist, þegar kólnar í veðri. Nýlega samþykkti ESB lög, þar sem fallið var frá kröfu um að framleiðendur rafbíla yrðu skyldaðir að gefa upp hversu miklu minni getu bílarnir hafa í kulda. Norska rafmagnsbílasambandið prófaði fimm gerðir nýrra rafmagnsbíla í mismunandi verð- og stærðarflokkum. Prófkeyrt var í marga daga í hita frá 0 gráðum niður í 20 stiga frost. Niðurstöðurnar voru sláandi og óku bílarnir á milli 33-46% styttri vegalengdir en gefið var upp í upplýsingum framleiðenda, sjá töflu hér að neðan:

„Flutningabíll framtíðarinnar“

Þegar rafknúni pallbíllinn F-150 Lightning var fyrst kynntur árið 2021, þá auglýsti Ford bílinn sem „flutningabíl framtíðarinnar.“ Bill Ford, forstjóri Ford, sagði í maí 2021:

„Fyrir bæði Ford og bandaríska bílaiðnaðinn táknar F-150 Lightning hið afgerandi augnablik, þegar við þróumst í átt að núll-losun og stafrænni tengdri framtíð.“

Þremur árum síðar hefur pallbíllinn enn ekki unnið hjörtu neytenda. Viðhorf almennings til rafbíla er greinilega svo lítill í Bandaríkjunum um þessar mundir, að fólk vill ekki eiga eða leigja þá. Fyrr í þessum mánuði tilkynnti Hertz, að það myndi losa sig við 20 þúsund rafbíla úr bílaflota sínum vegna „of mikils viðhaldskostnaðar og lítillar eftirspurnar.“