Í djarfri aðgerð sem hrist hefur upp í Hollywood, hafa hinir gamalreyndu leikarar Mel Gibson og Mark Wahlberg tekið höndum saman um að skapa nýtt kvikmyndaframleiðsluver. Verður kveikmyndaverið tileinkað varðveislu hefðbundinnar frásagnarlistar þar sem gildrur rétttrúnaðarins eða s.k. vók-menningar, verða sniðgengnar. Tilkynningin kemur eins ferskur blær fyrir marga í greininni sem eru orðnir langþreyttir á víðtækum áhrifum pólitískrar rétthugsunar og félagslegra aðgerðasinna í kvikmyndalistinni.

Gibson og Wahlberg, sem báðir eru þekktir fyrir áreiðanleg og listræn heilindi, stefna að því að skapa griðastað fyrir kvikmyndagerðarmenn og áhorfendur sem þrá sígilda frásögn án afskipta pólitískrar rétthugsunar. Ákvörðun tvíeykisins um að sameina krafta sína undirstrikar sameiginlega sýn þeirra á þörfinni að endurheimta sál kvikmyndahússins og þau gildi sem einu sinni gerðu Hollywood að helgidómi skemmtanaiðnaðarins kynslóðum saman.

Framtakið  ber nafnið „Legacy Films“ og er ætlað að verða griðastaður kvikmyndagerðarmanna sem leita að skapandi frelsi og áhorfendum sem leita að umhugsunarverðri og ósíaðri kvikmyndaupplifun. Með áherslu á tímalausar frásagnir og sannfærandi persónur leitast Legacy Films við að endurvekja frásagnarandann sem hefur fallið í skuggann af kröfum pólitískrar rétthugsunar og dyggðaboðskap. Gibson og Wahlberg taka skýrt fram, að Legacy Films muni taka innihald fram yfir yfirborðsmennsku, taka á móti fjölbreytileika hugsunar og tjáningar samtímis sem sundrungarræðu sem hefur hrjáð iðnaðinn undanfarin ár er varpað fyrir róða. Með því að hlúa að umhverfi listrænnar sköpunar og opinnar umræðu, þá stefnir kvikmyndaverið að því að setja nýjan staðal fyrir kvikmyndalega frásögn sem fer út fyrir hugmyndafræðilega takmörkun

Ákvörðunin um að stofna Legacy Films kemur á sama tíma og Hollywood verður fyrir sívaxandi þrýsting fyrir að gefa eftir fyrir rétttrúnaði og fórna frásagnarlistinni á altari pólitískrar rétthugsunar. Áhorfendur eru orðnir þreyttir á prédikandi frásögnum og þvinguðum tilvitnunum um fjölbreytileika. Framtak Gibson og Wahlbergs verður því ljós í myrkrinu fyrir þá sem þrá að snúa aftur til  ekta kvikmyndaupplifunar.

Mel Gibson lagði áherslu á mikilvægi þess að varðveita listrænt frelsi og standast rétttrúnaðar þrýstinginn. Hann sagði þegar tilkynnt var um stofnun Legacy Films:

„Hollywood hefur villst á undanförnum árum, fallið fyrir kröfum um pólitíska rétthugsun og menningarlegt samræmi. Með Legacy Films stefnum við að því að endurheimta kjarna kvikmyndagerðar og halda upp á fjölbreytileika mannlegrar upplifunar án hugmyndafræðilegra takmarkana.“

Wahlberg lýsti gleði sinni að fá tækifæri til að vinna að verkefnum sem forgangsraða frásögn fram yfir dyggðamerki. Wahlberg sagði:

„Við höfum ekki áhuga á að prédika eða pæla í nýjustu samfélagsþróuninni. Legacy Films verða griðastaður fyrir kvikmyndagerðarmenn og áhorfendur sem meta áreiðanleika og sköpunargáfu umfram allt annað.“

Tilkynningin um Legacy Films hefur þegar komið af stað umróti í greininni. Margir hrósa Gibson og Wahlberg fyrir skuldbindingu þeirra við að endurreisa sköpunaranda Hollywood. Kvikmyndaunnendur bíða spenntir eftir fyrstu kvikmyndum frá þeim Gibson og Wahlberg.