Helsti stuðningsmaður demókrata, George Soros, hefur veitt að minnsta kosti einni milljón Bandaríkjadala í styrk til hóps sem er undir stjórn hryðjuverkasamtaka Hamas að sögn Washington Examiner. Að eigin sögn er „Mannréttindamiðstöðin Al Mezan“ – Al Mezan Center for Human Rights – til að stuðla að „virðingu og verndun mannréttinda“ aðallega á palestínskum svæðum. Í raunveruleikanum vinnur miðstöðin með hryðjuverkamönnum og er stjórnað af einstaklingum með víðtæk tengsl við Hamas, Alþýðufylkinguna fyrir frelsun Palestínu og Íslamska heilagastríðið í Palestínu.

Eru einnig styrktir af ESB

Tengsl við hryðjuverkasamtök virðast ekki vera neitt vandamál fyrir Georg Soros. 25 milljarða dollara vinstrisinnuðu „Opnu samfélög“  hans eru samkvæmt Jonathan Kaplan, talsmanni þeirra

„stolt af því að vera meðal margra alþjóða fjármögnunaraðila Al Mezan, ásamt ESB og ríkisstjórnum eins og Svíþjóðar og Hollands.“ 

Kaplan, sem er fyrrverandi samskiptastjóri bandaríska utanríkisráðuneytisins í forsetatíð Barack Obama, neitaði að tjá sig um tengsl Al Mezan við hryðjuverkamenn, þegar honum voru sýnd dæmi. Peningarnir til Al Mezan undirstrika hvernig Open Society hafa lengi haldið uppi kyndlinum fyrir stuðning- og bandamenn hryðjuverkamanna sem ráðast stöðugt á Ísrael. Eftir 7. október, daginn sem palestínskir hryðjuverkamenn myrtu meira en 1.200 Ísraela, hafa fjárstyrkir milljarðamæringsins til yfirlýstra hatursmanna Ísraels sætt aukinni gagnrýni sérfræðinga í peningaöflun til hryðjuverka.

Styrkir hryðjuverkasamtökin Al-Haq

Þann 8. október í fyrra, aðeins einum degi eftir hryðjuverkaárásina, sendi Al Mezan frá sér yfirlýsingu, þar sem Ísraelar voru ásakaðir um hefndaraðgerðir gegn Hamas. Yfirlýsingin var gerð í samstarfi við hryðjuverkasamtökin Al-Haq sem einnig eru fjármögnuð af Soros. Gerald Steinberg, forseti NGO Monitor, stjórnmálaprófessor við Bar-Ilan háskólann í Ísrael, segir við Washington Examiner:

„Undir skilti mannréttinda vinna þeir að áróðri Hamas. Tengsl þeirra við hryðjuverkahópinn PFLP eru skjalfest á skýran hátt.“

Þó að Al Mezan virðist nýlega hafa fjarlægt hluta af vefsíðu sinni með nöfnum stjórnenda sinna, þá fann Washington Examiner nöfn þeirra í gegnum hlekk í geymslu með sýnilegum útgáfum frá 2015 til 2023.

Fréttastofan AP vísaði til meðlims hryðjuverkasamtaka sem „pólitísks sérfræðings“

Talal Awkal, sem Associated Press vitnaði í í frétt dögum eftir árásina 7. október sem „pólitískan sérfræðing“ var einn stjórnenda Al Mezan. Árið 2010 benti Al-Jazeera á Qatari að Awkal væri fyrrum meðlimur PFLP. Leiðtogi þeirra sagði Awkal vera „mikinn sögulegan leiðtoga“ ár 2015 í palestínska vefritinu Al-Hadaf. Annar starfsmaður Al Mezan, Hussein Hammad, fékk verðlaun árið 2017 frá PFLP.

Miðstöð Soros á Gaza hefur ásamt starfsmönnum sínum gegnt lykilhlutverki í ákveðnum atburðum með hryðjuverkamönnum. Árið 2013 skipulagði Al Mezan ráðstefnu um „Bráðabirgðaréttlæti í Palestínu“ samkvæmt ársskýrslu það ár. Á ráðstefnunni voru Khaled al-Batsh, embættismaður PFLP Kayed al Ghoul og Yahya al Abadseh embættismenn Hamas.

Al Mezan skipulagði ráðstefnu árið 2015 með háttsettum embættismanni Hamas, Khalil al Hayya og Khaled al Batsh, leiðtoga íslamska heilagastríðs Palestínumanna. Issam Younis, forstjóri Al Mezan,  talaði á fundinum. Younis hefur fundað á undanförnum árum með leiðtogum Hamas, PFLP og öðrum hópum.