Rússar benda á leyniþjónustu Úkraínu og einnig Bandaríkin vegna hryðjuverkaárásarinnar í tónleikasal Crocus, Moskvu, í mars, að því er Tass-fréttastofan greinir frá.

Nikolay Patrushev, framkvæmdastjóri öryggisráðs Rússlands, fullyrðir að hryðjuverkaverkið í Crocus-miðstöðinni 22. mars tengist úkraínsku öryggisþjónustunni.

Bandaríkin sögðu strax, að Úkraína hefði ekkert með árásina að gera heldur væru það íslamistar frá ISIS-K.

Patrushev bendir á, að mikilvægt sé að komast að því „hver sé höfuðpaurinn“  að baki árásinni þegar 144 manns voru myrt með köldu blóði og 551 særðir. Nikolay Patrushev sagði á fundi á miðvikudag, að sögn Tass:

„Sporin leiða til úkraínskra leyniþjónustumanna. En allir hljóta að gera sér grein fyrir því, að stjórnin í Kænugarði er ekki sjálfstæð heldur að fullu undir stjórn Bandaríkjanna. Það verður að hafa í huga að ISIL og al-Qaeda og aðrir hryðjuverkahópar voru stofnaðir af Washington.“ 

Að sögn Patrushevs voru gerendurnir og vitorðsmenn þeirra handteknir þegar þeir reyndu að komast inn í Úkraínu þar sem undankomuleið hafði verið útbúin fyrir flótta þeirra.

Úkraína neitar með öllu aðild að verknaðinum.