Reiner Fuellmich sem verið hefur í fremstu víglínu gegn árásum glóbalista, sendi frá sér skilaboð um páskana, þegar hann fékk tveggja vikna „leyfi“ úr fangelsi í Þýskalandi. Hann segir að kæran gegn honum gangi illa sem sé jákvætt fyrir hann. Fuellmich segir:

„Það lítur út fyrir að kórónufaraldurinn, sem í raun og veru opnaði augu mín og gerði mig meðvitaðan um ólýsanlegan lygavef á þeim tíma sé núna að leysast upp jafnvel opinberlega sem heimsfaraldur. Gluggar sannleikans sem eru að opnast um allan heim og ljósið sem skín inn um þá felst í því að bera kennsl á alla þá sem bera ábyrgð. Enginn mun komast undan réttlætinu.“

Þýsk yfirvöld skilgreindu kórónuveiruna upphaflega sem flensu

Fuellmich vísar í grein eftir þýska blaðamanninn Paul Schreyer í ritinu Multipolar byggir á ítarlegum rannsóknum og fjölda málaferla sem fóru í gang samkvæmt þýsku útgáfunni af FOIA, lögum um frelsi upplýsinga. Greinin sýnir glögglega, að Smitsjúkdómavarnarstofnun Þýskalands, RKI, upplýsti almenning um að kórónuveiran væri ekkert annað en flensa. Sú afstaða breyttist á einni nóttu þann 16. mars, þegar háttsettur meðlimur RKI sem var nátengdur lyfjarisunum og fulltrúa þeirra í WHO, ákváðu að uppfæra kórónuveiruna upp í heimsfaraldur. Það gerðist án nokkurra vísindalegra röksemda. Fuellmich segir:

„Það grundvallaðist eingöngu á pólitískum fyrirmælum  frá lyfjarisunum og málpípu þeirra, WHO. Jafnvel þó að Paul Schreyer segi í þeirri grein, að nafn þess sem vann skítverkið fyrir Alþjóðaheilbrigðismálastofnunina í Þýskalandi sé ekki vitað, þá virðist mér mjög ljóst að hann viti nákvæmlega hver það er og það gerum við líka.. Þetta mun auðvitað skipta miklu máli, jafnvel hjá dómstólum þýska kerfisins, þar sem þeir, fram að þessu, í blindni og án þess að efast um neitt sem kom frá RKI, töldu sjálfsagt að til væri hættuleg, ný kransæðavírus sem bar ábyrgð á heimsfaraldri.“

Fauci viðurkenndi að enginn vísindalegur grundvöllur hefði verið fyrir „félagslegri fjarlægð“

Fuellmich tekur fyrir spillinguna hjá þýskum yfirvöldum og bendir á bréf som honum barst með upplýsingum um að Fauci í Bandaríkjunum virðist hafa viðurkennt að það væri enginn grundvöllur, hvað þá vísindalegur grundvöllur, fyrir félagslegri fjarlægð og þeim fjarlægðum sem mælt er fyrir um fyrir félagsleg fjarlægð. Fuellmich heldur áfram:

„Spilahús þeirra er að hrynja og við sem alþjóðlegir lögfræðingar munum gera okkar besta til að flýta því ferli og tryggja að réttlætinu verði fullnægt. Hvað sakamálið gegn mér varðar þá er það mjög einfalt. Helstu vitni ákæruvaldsins, hinn skelfilega undarlegi lögmaður herra Hoffman og fyrrverandi meðstjórnandi minn Vivian Fischer… hafa verið yfirheyrð.“

„Þau báru vitnisburð. Herra Hoffman … neyddist til að viðurkenna að það væri nákvæmlega enginn grundvöllur fyrir neinum stórfelldum ásökunum um að ég hefði hótað honum á margvíslegan og undarlegan hátt, meðal annars með Winchester riffli….“ 

Ákærur gagnvart fjárstuldi Fuellmich tilraun til að breiða yfir eigin glæpi kærenda

 „Vivian Fischer staðfesti að hvorki herra Hoffman né Antonia Fischer, sem við tókum í Corona rannsóknarnefndina í staðinn fyrir tvo vísindamenn, hafi gegnt neinu hlutverki í starfi Corona rannsóknarnefndarinnar og hafi einungis áhuga á fjárframlögum. Okkur fannst það hins vegar frekar furðulegt að Vivian Fischer virðist enn vera fús að starfa með þessu fólki, þrátt fyrir að þessi tvö og vafasamur félagi þeirra, hafi með svikum og fjárkúgun komist yfir 1,5 milljónir evra af mínu fé og skjólstæðings míns. Núna reynir þetta fólk, með aðstoð héraðssaksóknara að koma höndum yfir öll framlög Corona-nefndarinnar til að leggja niður störf hennar.“

Hlusta má á mál Reiner Fuellmich á hljóðbandinu hér að neðan:

[videopress vw6Qo2VJ]