Bandaríski öldungadeildarþingmaðurinn, repúblikaninn og augnlæknirinn  Rand Paul,  sendi nýlega frá sér skýrslu, þar sem hann uppljóstrar að 15 mismunandi alríkisstofnanir í Bandaríkjunum vissu þegar árið 2018, að Wuhan rannsóknarstofan í Kína var að reyna að búa til Covid- 19 veiru.

Ekki einn einasti embættismaður eða starfsmaður hjá þessum 15 stofnunum upplýsti bandarískan almenning um sannleikann á meðan á heimsfaraldrinum stóð. Það ætti því að reka þá alla.

Rand Paul tilkynnti, að hugrakkur undirofursti í landgönguliðinu steig fram á sjónarsviðið og kom með upplýsingarnar um uppruna Covid-19. Hann var eini heiðarlegi einstaklingurinn í 15 stofnunum sem var nógu hugrakkur til að afhjúpa sannleikann.

Rand Paul var í viðtali hjá Maria Bartiromo í sunnudagsþætti á Fox til að ræða þessa hrikalegu uppljóstrun ásamt öðrum tengdum málum. Hér að neðan má lesa hluta viðtalsins og þar fyrir neðan er myndskeið úr þættinum.

Maria Bartiromo: Öldungadeildarþingmaður, stutt áður en þú ferð, við verðum líka að minnast á Covid. Þú birtir  skýrslu sem sýnir að í hið minnsta 15 alríkisstofnanir vissu að verið var að vinna að rannsóknum á viðbótarvirkni í Wuhan rannsóknarstofunni síðan hvenær – 2018?

Öldungadeildarþingmaðurinn Rand Paul: Já, við vitum þetta, vegna þess að uppljóstrari opinberaði það. Enginn í stjórnsýslunni hefur sagt okkur neitt. Við höfum fengið allar upplýsingar okkar frá uppljóstrara og við vitum núna, að það var ekki bara ein stofnun sem Kína nálgaðist. Kína var með kynningu eða bandaríski fulltrúinn, Peter Daszak, flutti erindi hjá 15 stofnunum um að verið væri að búa til veiru sem lítur grunsamlega út eins og Covid-19 og en ekki eins og náttúruleg veira frá þeirri fjölskyldu. Þeir voru að vinna í þessu og kynntu það fyrir 15 stofnunum. Og árið 2020, þegar þeir sáu Covid-19, Þá hefðu þeir allir átt að kasta sér á símann og senda út viðvörun:

„Guð minn góður, við sáum þetta fyrir tveimur árum. Við vissum að Kínverjar voru að gera þetta. Sjáið, þeir gerðu það.“

Enginn í ríkisstjórninni sagði neitt. Ekki einn einasti maður. Ég tek þetta til baka. Hugrakkur landgönguliði, undirofursti, kom fram og veitti okkur þessar upplýsingar. Annars vissum við ekki neitt um þetta enn þann dag í dag.

Maria Bartiromo: Við höfum ekki séð neinn lýsa ábyrgð á hendur Kína vegna málsins. Ekki bara fyrir lekann heldur einnig hylmingunni sem fylgdi í kjölfarið. Stjórn Biden hefur enn ekki krafist neinna svara.

Öldungadeildarþingmaðurinn Rand Paul: Biden-stjórnin hefur undirritað heimsfaraldurssáttmála til að gefa frá okkur allt fullveldi okkar svo að fólk alls staðar að úr heiminum, þriðjaheimsríkjum sem reka þessar stofnanir, geti sagt okkur hvað við eigum að gera: hvers konar grímur við eigum að nota, hvort við eigum að vera með hlífðargleraugu, eyrnahlífar og allt annað fáránlegt sem var í boði til að umkringja okkur með plexígleri. Allar heimskulegu hugmyndirnar sem við ræktuðum. Eins og það sé ekki nógu slæmt að hafa fólk í Bandaríkjunum sem segir okkur þetta. Þeir settu þetta í alþjóðlegan sáttmála um að leyfa öðrum að segja okkur ,hvernig við eigum að lifa lífi okkar næst þegar eitthvað slæmt eins og þetta gerist.