Hjúkrunarfræðingur í heilsugæslunni í Malmö fer mikinn á samfélagsmiðlum og margir hrökkva í kút. Meðal annars skrifar hann að starfsfólk heilsugæslunnar muni „skera sundur líffæri þín þar til þú deyrð.“ Charlotte Crafoord-Larsen yfirmaður mannsins segir í viðtali við Samnytt:
„Þú veist ekki hvort hann hafi skrifað þetta, svo þú getur ekki fullyrt að hann hafi skrifað það!“
Fréttaljósmyndaranum Roger Sahlström brá í brún, þegar hann sá ummæli á Instagram-síðu sinni undir stuttu myndbandi frá því í febrúar á þessu ári, þar sem hann sést rífa niður áróðurs límmiða gegn Ísrael. Í athugasemdinni segir:
„Einn góðan veðurdag verður þú umkringdur af aröbum frá öllum hliðum, einn og óvarinn. Þá verður þér slátrað. Á meðan þú ert enn með meðvitund muntu sjá hvernig við skerum og sundurlimum líffæri þín þar til þú deyrð. Enginn – hvorki Bandaríkin, England eða Bibi munu bjarga rassinum á þér. Heimurinn er lítill, mundu það!“
„Bibi“ er gælunafna á Benjamins Netanyahu, forsætisráðherra Ísraels.
Roger Sahlström segir að athugasemdin sé ein af nokkrum og beinist hugsanlega að öðrum notanda sem var „taggaður“ í henni, samkynhneigðum manni með tengsl við gyðinga sem býr í Malmö. Roger segir í viðtali við Samnytt:
„Þetta er ekki hótun beint að mér, en það sem hann skrifar er samt mjög alvarlegt.“
Maðurinn sem skrifaði hótunina um að verða slátrað af araba er sjálfur arabi. Hann heitir Ibrahim Abdelhay, er 36 ára gamall og kom til Svíþjóðar í janúar 2013 og varð sænskur ríkisborgari ár 2018. Myndir sem Ibrahim Abdelhay birtir á samfélagsmiðlum sýna, að hann starfar sem hjúkrunarfræðingur á Skáni.
Starfsmenn háskólasjúkrahússins í Malmö staðfesta við Samnytt, að Abdelhay hafi starfað á sjúkrahúsinu frá árinu 2014. Hann starfaði áður sem hjúkrunarfræðingur í Jórdaníu en er nú sagður skráður hjúkrunarfræðingur í Svíþjóð.
Charlotte Crafoord-Larsen er deildarstjóri á bráðamóttöku fyrir aldraða á háskólasjúkrahúsinu í Malmö. Hún er næsti yfirmaður Ibrahim Abdelhay. Hún segist hafa rætt við Abdelhay um færsluna og segir að enginn, allra síst Samnytt viti, hvort Ibrahim hafi skrifað færsluna. Roger Sahlström segir það óviðeigandi að fólk eins og Ibrahim Abdelhay vinni í heilbrigðisþjónustunni:
„Vinnur þú hjá hinu opinbera í einhverju starfi eða með starfsgrein þar sem þú þarft að sinna öðru fólki. Ef þú hefur þessar skoðanir þá átt þú ekki heima í þeirri starfsgrein.“
3 Comments on “Hjúkrunarfræðingur í Malmö: „Við skerum sundur líffæri þín þar til þú deyrð“”
Svo honum finnst ekkert að því að Ísrael myrði börn hægri og vinstri en eitt ógeðfellt komment fer alveg með karlgreyið. En hann getur tekið gleði sína þegar Ísraelsher myrðir næsta barn. Heil Bibi
Múslima hatrið og àróðurinn er alveg í fyrirrúmi à þessari síðu eins og vanalega!! Ojj bara
Ísrael er uppvís að viðbjóðslegum stríðsglæpum, þjóðernishreinsunum og skipulögðum morðum á börnum í massavís. Eins og venjulega spila þeir sig sem fórnarlamb og saka einn og alla sem fordæma myrkraverkin um gyðingahatur. Það er ólíkleg að ofnotaða frasanaum um gyðingahatur verði skammlausu litlu-hata fólkinu að vopni til framtíðar, barnaníðingar eiga yfirleitt ekki mikla samkennd vísa hjá almenningi.