Ute Krüger er sérfræðingur í meinafræði með meira en 25 ára reynslu. Í mörg ár hefur hún einnig stundað krabbameinsrannsóknir við háskólann í Lundi. Nú sendir hún frá sér viðvörun vegna fjölgunar nýrrar tegundar ört vaxandi „túrbó-æxla“ hjá ungu fólki. Hún hefur fundið samband milli þessa „óða-krabbameins“ og Covid-bóluefnanna sem voru tekin fram í skyndi, óprófuð og óreynd.
Í viðtali við Folkets Radio segir Krüger frá því, hvernig hún byrjaði að taka eftir nýrri tegund af gríðarlega árásargjörnu krabbameini. Hraðvaxandi æxli fundust í óeðlilega miklum mæli sérstaklega hjá yngra fólki.
Gat ekki haldið áfram störfum sem yfirlæknir
Þessu næst uppgötvaði Krüger að þeir sem þjáðust af þessari tegund óða-krabbameins var fólk sem hafði verið sprautað með hinu umdeilda Covid bóluefni. Hún varaði við þessu innan starfsgreinarinnar en fékk ekki þau viðbrögð sem hún hafði vonast eftir.
Hún lagði til að gerð yrði yfirgripsmikil rannsókn á þessu krabbameini en enginn hafði áhuga á slíkri rannsókn í Kalmar-héraði, þar sem Krüger var starfandi. Þrátt fyrir miklar vísbendingar um alvarlegar aukaverkanir ásamt takmarkaðri virkni bóluefnanna, þá er gagnrýni á Covid bóluefni stöðugt hafnað sem samsæriskenningu. Ute Krüger hætti störfum sem yfirlæknir á og rekur í staðinn einkastofu. Hún er mjög vonsvikin á heilbrigðiskerfinu og segir frá baráttu sinni við sænska kerfið í viðtali hér að neðan. Þar segir hún einnig frá niðurstöðum rannsóknar sem kemur með óhugnanlegar staðreyndir um bráðadauða ungs fólks í þessari nýju tegund óða-krabbameins hjá þeim sem hafa verið sprautaðir með mRNA bóluefnum.
Óða-krabbamein sem leitt hefur til dauða ungs fólks
Í viðtalinu greinir Ute Krüger frá rannsókn sem gerð var í Bretlandi í október 2023 sem tók yfir árin 2010-2022 hjá fólki á aldrinum 15-44 ára. Var óða-krabbamein sem leiddi til dauða viðkomandi athugað sérstaklega. Hún segir:
„Þá kom í ljós að árið 2022 jókst ristilkrabbamein hjá konum um 41% og 55% hjá körlum. Krabbamein í briskirtli jókst um 80% hjá konum og 60% hjá karlmönnum. Húðkrabbamein jókst um 35% hjá konum og 120% hjá karlmönnum. Æxli í heila sem fremst finnst hjá eldra fólki hefur aukist með 12% hjá konum og 35% hjá karlmönnum. Þetta eru hreint út sagt hryllilegar tölur hjá svo ungu fólki.“
Hlusta má á viðtalið í heild sinni hér að neðan. Viðtalið er á sænsku.
