Gerð hefur verið yfirgripsmikil skýrsla sem sýnir hvernig bandarísk stjórnvöld  stóðu fyrir ritskoðunarherferðum undir forystu Biden forseta varðandi covid-19 bóluefnin. Gengið var út frá því, að samfélagsmiðlar myndu þagga niður allar gagnrýnisraddir,  einnig grín um bóluefnið.

Bandarísk stjórnvöld hafa unnið hörðum höndum að því að samfélagsmiðlar ritskoði það efni sem stjórnvöld vilja ekki að verði birt. Auk mála sem snerta glæpastarfsemi Hunter Biden, sonar forsetans, þá var ritskoðuninni einnig beint að færslum sem drógu covid-bóluefnin í efa eða umræður um skort á efndum loforða yfirvalda.

Heljarinnar herferð

Fox News greinir frá því, að laganefnd fulltrúadeildar Bandaríkjaþings hafi birt skýrslu sem afhjúpar þvinganir stjórnvalda á tæknirisana til að framkvæma ritskoðun og sortera burtu óþægilegar skoðanir fyrir Hvíta húsið og einokunarrisana. Farið var yfir tölvubréf sem fóru á milli fulltrúa ríkisstjórnarinnar og fulltrúa helstu samfélagsmiðla t.d. eins og Facebook, YouTube og Amazon.

Skýrslan afhjúpar, að ríkisstjórn Biden hafi árið 2021 þrýst á fyrirtækin að beita virkri ritskoðun gegn „misvísandi upplýsingum“ um covid-19 og gagnrýni um bóluefnið. Svo virðist sem Facebook, YouTube og Amazon hafi innleitt harða ritskoðun í samræmi við skipanir yfirvalda auk þess að takmarkað var, hvaða bækur voru fáanlegar á Amazon Marketplace.

Afhjúpandi tölvubréf

Tölvubréf á milli ráðamanna Facebook sýna einnig, að Biden-stjórnin vildi ganga miklu lengra. Þar kemur fram að stjórnvöld vildu láta fjarlægja allar „neikvæðar upplýsingar eða neikvæðar skoðanir á bóluefninu“ og jafnfram „grín og háð sem gefur til kynna að bóluefnið sé ekki öruggt.“ Fox News greinir frá:

„Eftir að hafa fengið og skoðað tugþúsundir tölvubréf og önnur viðeigandi óopinberra gagna, þá getur nefndin og valin undirnefnd veitt fullkomnari mynd af því hvernig og að hve miklu leyti Hvíta húsið undir stjórn Biden þrýsti á fyrirtækin að kæfa málfrelsið.“

Sú heiftuga árásargirni sem kemur fram í ritskoðun Biden-stjórnarinnar hefur fengið vaxandi athygli. Fyrrverandi stjórnendur á Twitter (núna X) voru rannsakaðir vegna samstarfs þeirra við FBI til að fjarlægja færslur með efni sem gagnrýndi yfirvöld.

Fjölmörgum valkostamiðlum lokað á YouTube

Fjölmargir valkostamiðlar lentu í því að myndböndum þeirra var lokað og aðgangur að mikilvægum veitum eins og Facebook og YouTube lokaður vegna umræðna um covid-19 og aukaverkana bóluefnanna. Sem dæmi nefnir Frelsisfréttin.se að miðillinn birti viðtal við bandaríska lækninn Pierre Kory sem dró bóluefnið í efa. Myndin fékk aðeins að vera uppi í nokkrar mínútur áður en YouTube lokaði myndinni, lokaði reikning Frelsisfréttarinnar í tvær vikur og gaf út viðvörun ef miðillinn hætti ekki að senda fréttir sem gagnrýndu bóluefnið.