Afhjúpun fyrstu opinberu myndar Karls III konungs frá krýningu hans hefur tekið óvænta og óróandi stefnu. Listaverkið, sem einkennist af líflegum rauðum litbrigðum og nákvæmri lýsingu á Charles í einkennisbúningi velska varðliðsins, var hugsað sem virðing fyrir langvarandi þjónustu konungsins. Hins vegar birtist óvænt fyrirbæri þegar spegilmynd af andlitsmyndinni er sett við hlið hinnar upphaflegu. Þá birtist mynd sem hefur verið til frá árinu 1856 af myrkrahöfðingjanum Baphomet og er gerð eftir Eliphas Levi.

Fréttin.is greindi frá því að andlitsmyndin hafi verið máluð af listamanninum Jonathan Yeo og hún sýnir Charles á bakgrunni „lifandi rauðra lita.“ Fiðrildi er rétt fyrir ofan hægri öxl konungs til að fullkomna truflandi áhrifin. Yeo sagði:

„Markmið mitt var einnig að vísa í hefðir konunglegra portrettmynda en á þann hátt sem endurspeglar konungsveldi 21. aldarinnar og umfram allt að koma á framfæri dýpri mannúðleika myndefnisins.”

Listaverkið vakti fljótlega mikið umtal og sumir sögðu, að í rauninni liti „það út fyrir að Charles væri í helvíti.“ Sumir spurðu hvort þetta væri „blóð á höndum hans?“ eða sögðust vera „100% vissir að þetta væri háðsádeila“ og kölluðu myndina „hrollvekju,” „stuðandi“  og „eins og konungur væri að baða sig í blóði.“

Umræðan tók enn furðulegri stefnu þegar notendur samfélagsmiðla gerðu spegilmynd og báru að frummyndinni.  Þá birtist andlit myrkrahöfðingjans Baphomet, sem er mynd tengd dulrænum og satanískum venjum.

Þegar upprunalega myndin af myrkrahöfðingjanum er lögð ofan á sjálfa spegilmyndina (til hægri), þá sést að um sömu mynd er að ræða. Myndin til vinstri er upprunalega myndin ásamt spegilmynd. Á þeirri hægri er mynd myrkarhöfðingjans sett ofan á hinar.

Þessi óvænti farvegur myndarinnar hefur leitt til ásakana um  „samsæriskenningar“ og leynileg skilaboð og óheillavænleg tákn sem eru falin auganu. Sumir taka þetta sem sönnunargagn um að afl kölska sé að verki innan æðstu valdastiga samfélagsins.

Er þessi speglaða opinberun aðeins tilviljun, vandlega skipulagt listrænt samsæri eða einfaldlega sjónhverfing fyrir augað? Dæmið sjálf.

Myrkrarhöfðinginn Baphomet, teiknaður 1856 af Eliphas Lévi.