Malmö er á lista yfir 100 hættulegustu borgir heims, segir í frétt Expressen. Hættulegasta borg heims er höfuðborg Venesúela, Caracas, sem hefur verið kölluð „mesta ofbeldisborg heims“ af Business Insider.
Á eftir Caracas koma þrjár borgir í Suður-Afríku – Pretoríu, Durban og Jóhannesarborg. Því næst borgirnar Port Moresby, Papua Nýju Guineu, San Pedro Sula, Honduras, Rio de Janeiro, Brasilíu, Port Elizabeth, Suður-Afríku og borgirnar Frotaleza og Salvador, Brasilíu.
Malmö er í 76. sæti listans sem má bera saman við Bagdad, Írak (74), Teheran, Íran (77) og Karachi, Pakistan (78). Samkvæmt öryggiskönnunum sænsku lögreglunnar óttast 28,7% af íbúum Malmö að vera einsamir úti á kvöldin. Malmö er samt ekki hættulegasta borg í Evrópu. Það er Marseille í Frakklandi sem er númer 40 á listanum og á eftir koma Coventry og Birmingham í Englandi.
Gautaborg er í 154. sæti og Stokkhólmur í 157. sæti. Malmö ásamt Gautaborg og Stokkhólmi eru hættulegustu borgir á Norðurlöndum. Kristiansand í Noregi er í 166. sæti höfuðborg Noregs, Ósló, er í 244. sæti. Kaupmannahöfn er í 297. sæti, Helsinki í 305. sæti og Reykjavík í 308. sæti yfir hættulegustu borgir heims en samtals tekur listinn yfir 333 borgir.