Stjórnmálastétt Svíþjóðar gekk til liðs við Nató á röngum grundvelli sem þvingað var upp á sænsku þjóðina. Það segir bandaríski ofurstinn Douglas Macgregor í viðtali við Newsvoice. Það er kominn tími til að Svíar vakni og skilji hver það er sem í rauninni stjórnar stríðinu í Úkraínu.

Svíar skilja ekki hvað er að gerast í heiminum

Douglas Macgregor er spurður hvað aðild Svíþjóðar að Nató og varnarsamningurinn við Bandaríkin þýði fyrir Svíþjóð. Macgregor segir að ákvörðun Svía að ganga með í Nató sé alfarið óskynsamleg og Svíar skilja ekki, hvað er að gerast í heiminum. Macgregor segir:

„Svíþjóð mun nú verða óhjákvæmilegt skotmark í stríði alþjóðasinna gegn Rússlandi.”

600 þúsund hermenn fallnir og ein milljón örkumla

Að sögn Macgregors myndu Svíar gera sjálfum sér greiða með því að efast um það sem þeim er sagt um Rússland. Hann bendir á, að Svíar „hafa kokgleypt algjörlega falska og upp spunna mynd.“ Macgregor segir:

„Vestrænir stjórnmálamenn halda því fram, að þeir séu að hjálpa Úkraínu en í raun gera þeir hið gagnstæða. Það sem hefur gerst er að Úkraína hefur verið eyðilögð. 600.000 úkraínskir ​​hermenn eru fallnir og ein milljón hermanna eru særðir og limlestir. Úkraína er deyjandi þjóð.”

Rússland hefur unnið stríðið

„Við höfum ræktað hatur og eyðileggingu á Rússlandi. Það skortir alla skynsemi, því Rússland hefur ekki hagað sér eins og óvinur okkar. Málið er, að hér eru öfl að verki sem Svíar þurfa að skilja. Þeir verða að skilja, að glóbalíska valdastéttin í Evrópu og Bandaríkjunum stjórnar þessu stríði sem hefur algjörlega mistekist. Rússland hefur unnið það.”

Af hverju eru Svíar að gera sjálfum sér þetta?

Að Svíþjóð gangi skyndilega í Nató finnst Macgregor ótrúlegt. Sænskir ​​stjórnmálamenn eru meira að segja opnir fyrir kjarnorkuvopnum á sænskri grund, sem mun aðeins auka ógnina gegn Svíþjóð.

„Ég meina, Svíar eru vel menntað og gáfað fólk. Af hverju eru þeir að gera sjálfum þér þetta?”

Sjá má allt viðtalið hér að neðan: