Nýlega birt skjöl frá Pfizer sýna að fyrirtækið réð um 600 viðbótarstarfsmenn í fullt starf til að geta unnið úr tilkynningum um aukaverkanir af mRNA tilraunabóluefninu fyrstu þrjá mánuðina eftir útgáfu neyðarleyfisins, fyrir notkun þess í Bandadaríkjunum 11. desember 2020.
Þá kemur fram í skjölunum að Pfizer hafi verið með með áætlanir um að ráða 1.800 starfsmenn til viðbótar fyrir júní 2021, eins og segir á bls. 6 í þessu endurbirta skjali frá Pfizer:
„Fleiri bætast við í hverjum mánuði og má búast við samtals meira en 1.800 viðbótarstarfsmönnum í lok júní 2021."
Þessar upplýsingarnar er að finna í 10.000 blaðsíðna skjalabunka sem birtur var 1. apríl sl. af Matvæla- og lyfjaeftirliti Bandaríkjanna (FDA) í samræmi við fyrirskipan dómstóls um birtingu Pfizer skjalanna.
Upplýsingarnarnar um starfsmennina má sjá í endurbirta skjalinu: "Cumulative analysis of post-authorization adverse event reports" eða „Uppsöfnuð greining á tilkynningum um aukaverkanir eftir leyfisveitingu“ af völdum Pfizer bóluefnisins, þar sem fjallað var um aukaverkanir sem komu fram allt til 28. febrúar 2021.
Umrætt skjal var fyrst birt með skjölunum sem birt voru í nóvember 2021, en þá höfðu verið afmáðar úr skjalinu upplýsingarnar um þá 1.800 viðbótarstafsmenn Pfizer sem þurfti að ráða á fyrri hluta ársins 2021 vegna hins mikla fjölda aukaverkana sem komu fram. Afmáða skjalið frá því í nóvember má sjá til samanburðar hér.
Þá segir Pfizer í endurbirta skjalinu, á bls. 6: „Pfizer hefur einnig gripið til margvíslegra aðgerða til að ráða við mikla fjölgun skýrsla með tilkynningum um aukaverkanir. Þetta felur í sér umtalsverðar tæknilegar úrbætur og ferla- og flæðilausnir, auk þess að fjölga starfsfólki við gagnainnslátt og málavinnslu.“
Um 126 milljónum skammta dreift fyrstu þrjá mánuðina
Á bls. 6 í endurbirta skjalinu má nú sjá þann fjölda bóluefnaskammta frá Pfizer sem dreift var um heiminn fyrstu þrjá mánuðina eftir útgáfu neyðarleyfis FDA, þ.e. frá byrjun desember 2020 og fram til loka febrúar 2021, en skammtarnir voru 126.212.580.
Brian Hooker, yfirmaður vísindasviðs Children’s Health Defense lét hafa eftir sér vegna þessara nýju upplýsinga:
„Notkun Pfizer bóluefnisins hefur leitt til fordæmalauss fjölda tilkynntra aukaverkana, 158.000 aukaverkanir á fyrstu rúmlega tveimur mánuðum notkunarinnar þýðir að hlutfall tilkynntra aukaverkana var um það bil 1:1000, og margar þeirra flokkast sem alvarlegar. Þetta er byggt á því að um 125.000.000 bóluefnaskömmtum hafi verið dreift.
„Það er engin furða að 1.800 manna her hafi þurft til að vinna úr öllum upplýsingunum.“
Hooker benti á að heildarfjöldi (1.205.755) tilkynntra aukaverkana vegna COVID-bóluefna sem tilkynnt var um í VAERS gagnagrunninn á milli 14. desember 2020 og 25. mars 2022, hafi nú farið fram úr heildarfjölda (930.952) allra aukaverkana sem tilkynnt hafði verið um vegna annarra lyfja fram að því í 32 ára sögu gagnagrunnsins.
Pfizer gerði lítið úr aukaverkunum í beiðninni til FDA í maí 2021
Skjalabirtingin 1. apríl innihélt einnig skjalið "Request for Priority Review" eða „Beiðni um forgangsmat“ - sem Pfizer lagði fram hjá FDA í maí 2021 til að fá fullt leyfi fyrir mRNA tilraunabóluefni sínu.
Í þessu skjali lýsti Pfizer bóluefni sínu þannig að það uppfyllti „óuppfyllta lækningaþörf“ og fullyrti svo að auki:
„Fjöldabólusetning með öruggu og áhrifaríku bóluefni gegn COVID-19 getur breytt gangi heimsfaraldursins verulega.
Þá sagði Pfizer:
„Samkvæmt greiningu Institute for Health Metrics and Evaluation sem birt var 31. mars 2021 er COVID-19 áfram leiðandi dánarorsök í Bandaríkjunum og veldur allt að 100.000 umfram dauðsföllum til viðbótar því sem spáð er í Bandaríkjunum á milli mars og júlí 2021, mörg hver er líklega hægt að koma í veg fyrir með COVID-19 bólusetningu.“
Pfizer vildi miklar takmarkanir á frelsi almennings - myndi hjálpa bólusetningum!
Í beiðninni frá í maí 2021 lýsti Pfizer yfir „áhyggjum“ vegna afléttinga COVID-tengdra ráðstafana, eins og lokunum, á þeim grundvelli að afnám slíkra takmarkana myndi „vinna á móti áhrifum bólusetninga.“
Í leyfisbeiðninni segir Pfizer á bls. 6:
„Hins vegar eru áframhaldandi áhyggjuefni sem gætu unnið gegn áhrifum þessa bólusetningaátaks, þ.m.t:
„Takmarkanir á aðgangi að bóluefni vegna lélegra innviða“
„Aukning í smitum vegna slökunnar á mótvægisaðgerðum, nú þegar heimsfaraldurinn hefur staðið í eitt ár (þ.e. grímur og fjarlægða-og ferða takmarkanir )“
„Aukning í dreifingu nýrra afbrigða veldur áhyggjum (sem nú veldur áframhaldandi útbreiðslu veirusýkingar í Evrópu þrátt fyrir víðtækar mótvægisreglur).“
Pfizer sagði tilraunaefnið skapa ónæmi og vildi fá bólusetningaáætlun í framkvæmd
Pfizer rökstuddi beiðni sína um fullt leyfi fyrir COVID bóluefninu sínu í maí 2021 m.a. á eftirfarandi hátt eins og sjá má á bls. 15 í beiðni þeirra:
„Bólusetningaráætlun verður að koma til framkvæmda með skjótum hætti og útvíkka hratt til að hafa veruleg áhrif á heimsfaraldurinn.“
Þá fullyrti Pfizer að tilraunabóluefnið skapaði ónæmi:
„Aukin dreifing bóluefnis vegna leyfisins myndi á endanum bæta möguleika á því að ná ónæmi meðal almennings og þannig ná tökum á heimsfaraldrinum.“
Komið hefur rækilega í ljós að þessi fullyrðing Pfizer á við engin rök að styðjast og það vissi Pfizer í maí 2021 þegar fyrirtækið lagði fram leyfisbeiðnina.
Pfizer leyndi skaðlegum afleiðingum bóluefnisins í umsókninni
Í leyfisbeiðninni til FDA í maí 2021 gerði Pfizer lítið úr skaðlegum áhrifum mRNA tilraunabóluefnisins og þrátt fyrir að fyrirtækið hefði upplýst um að það hefði ráðið hundruðir og jafnvel þúsundir nýrra starfsmanna til að vinna úr miklum fjölda tilkynntra aukaverkana.
Þannig sagði Pfizer í leyfisbeiðninni á bls. 8 undir liðnum "Phase 1 Safety" eða "1. áfangi öryggi:
„Byggt á 1. áfanga gögnum úr FIH prófuninni [þá er bóluefnið] öruggt og heilbrigðir einstaklingar 18 til 55 ára þola það, engin óvænt öryggisatriði komu fram.“
„Öryggisupplýsingar 2/3 áfangi prófana voru almennt í samræmi við öryggisupplýsingar í 1. áfanga prófana, bæði yfir heildina og með tilliti til yngri og eldri þátttakenda.“
Þetta setti Pfizer fram í leyfisumsókn sinni þrátt fyrir að á bls. 14 í skjalinu undir liðnum "Overview of Post-authorization Safety Data" eða „Yfirlit yfir öryggisgögn eftir leyfisveitingu“ væri að finna háar tölur um aukaverkanir sem fram hefðu komið, fyrstu þrjá mánuðina eftir útgáfu neyðarleyfisins, þ.e. til 28. febrúar 2021.
En þar segir í skjalinu m.a.:
„Til 28. febrúar 2021 voru samtals 42.086 tilviksskýrslur (25.379 staðfestar af heilbrigðisyfirvöldum og 16.707 ekki staðfestar af heilbrigðisyfirvöldum) sem innihéldu 158.893 tilvik. Gögn bárust frá 63 löndum.“
„Í samræmi við það sem kom fram í 2/3 áfanga prófana C4591001, voru flestar tilkynntar aukaverkanir í kerfislíffæraflokkum ( System Organ Classes - SOC) vegna hvarfvirkni: almennir kvillar og vandamál á stungustað (51.335), taugakerfissjúkdómar (25.957), stoðkerfi og bandvefssjúkdómar (17.283) og meltingarfærasjúkdómar (14.096).“
Von er á fleiri Pfizer skjölum
Í samræmi við ákvörðun dómstóla er von á 80.000 blaðsíðum af gögnum þann 1. maí, 1. júní og 1. ágúst og 70.000 blaðsíðum í ágúst og svo 55.000 blaðsíðum mánaðarlega þar til öll gögn hafa verið birt.
Þau skjöl sem hér hefur verið fjallað um bæta nokkru við þau gögn sem afhent voru í nóvember sl. og Fréttin fjallaði um í byrjun desember sl.
Nýjustu skjölin frá Pfizer staðfesta það enn frekar sem áður hefur komið fram að stunduð var glæpsamleg yfirhylming andláta og skaða þegar neyðar- og bráðabirgðaleyfi voru gefin fyrir notkun mRNA bóluefnisins.