Þann 2. febrúar sl. lögðu bandarísku samtökin Informed Consent Action Network (ICAN) fram beiðni á grundvelli upplýsingalaga (Freedom of Information Act) þar sem óskað var upplýsinga um Covid-19 sýkingar hjá starfsmönnum Sóttvarnarstofnunar Bandaríkjanna (CDC). Þann 28. mars sl. bárust gögnin frá CDC.
Gögnin sýna að fullbólusettir voru að veikjast, dreifa broddapróteinum og stofna óbólusettum í hættu allt árið 2021. Til dæmis voru fullbólusettir starfsmenn CDC 70% af Covid smituðu starfsfólki í ágúst 2021. CDC greindi frá 36 smitum innanhúss þann mánuðinn og þar á meðal voru 25 tilfelli hjá bólusettum. Sömuleiðis voru 18 smit í júlí og tíu smitanna hjá bólusettum.
Samtökin ICAN sögðu: „Við vitum ekki hvert hlutfall bólusettra starfsmanna CDC var í ágúst 2021, en ef bólusetningahlutfall hjá CDC endurspeglar bólusetningahlutfall fullorðinna í Bandaríkjunum, þá var það mun lægra en 70%. Jafnvel þótt meira en 70% starfsmanna CDC hefðu verið bólusettir, þá ætti sú staðreynd að í lok sumars 2021, að 70% af Covid smituðum starfsmönnum stofnunarinnar hafi verið bólusettir, að vera áfall. Sjálf Sóttvarnarstofnun hefði átt að vakna til vitundar um vangetu þessara bóluefna til að koma í veg fyrir smit.
Rannsóknir á virkni bóluefnisins mældu ekki raunverulegan árangur. Í hinum raunverulega heimi dvínaði allur ávinningur af bóluefninu frekar fljótt, sem gerði notkun tilraunbóluefnanna hættulega og eyðileggjandi fyrir samfélagið í heild.
Samkvæmt raunverulegum gögnum reynast hinir bólusettu vera næmari fyrir sýkingu innan nokkurra mánaða frá bólusetningu. Það sem verra er, hinir bólusettu geta dreift broddapróteinum í allt að mánuð eftir bólusetningu.
Þetta dregur fram mikilvæga tilgátu... Ef fólk hefði ákveðið að láta ekki sprauta sig með misheppnuðum Covid-19 tilraunabóluefnum sem valda smitum og dreifngu smita, hefðu margir þeirra óbólusettu ekki mælst jákvæðir á prófum.
Gæti verið hærra hlutfall bólusettra hjá CDC
Hlutfall smita hjá bólusettum starfsmönnum CDC gæti verið mun hærra en það sem stofnunin greindi frá. Samkvæmt CDC eru „einstaklingar sem hafa verið bólusettir mögulega ólíklegri til að fara í sýnatöku.“ Hversu margir bólusettir veiktust af bóluefninu og fengu síðar Covid, en þurftu ekki að taka próf og láta skrá niðurstöðuna? Það er ekki vitað.
Á hinn bóginn voru hinir óbólusettu reglubundið kúgaðir og neyddir til að taka Covid-19 próf til að mega fara í vinnuna og taka þátt í samfélaginu. Möguleikinn á jákvæðum niðurstöðum (og fölskum jákvæðum) hefur alltaf verið meiri hjá þeim sem ekki hafa verið bólusettir. Þegar þetta er haft í huga er það skelfilegt í raun að tíðni smita hjá bólusettum stafsmönnum CDC hafi verið svona há.
Í þessu sambandi mætti nefna að fjölmiðlakonan Dr. Naomi Wolf staðhæfir að Matvæla-og lyfjaeftirlit Bandaríkjanna (FDA) hafi vitað mánuði eftir að bólusetningar hófust, að bóluefnin væru misheppnuð. En eins og má sjá í samningum ESB og Pfizer kemur fram að líkurnar á því að framleiðsla bóluefnanna misheppnist væru mjög miklar. En áfram var þó haldið að boða fólk í svokallaðar bólusetningar sem lausn við faraldrinum.
