Lyfjastofnun Svíþjóðar sendi frá sér fréttatilkynningu 20. apríl sl., þar sem staðfest er að mRNA bóluefnin auki til muna hættuna á hjarta-og gollurshússbólgu, séstaklega hjá ungum karlmönnum. Þetta sýna niðurstöður umfangsmikillar norrænnar rannsóknar með 23 milljónum þátttakenda.

Enga frétt um þetta er að finna hjá Lyfjastofnun eða Landlæknisembættinu hér á landi, þrátt fyrir ábendingar þar um.

Samkvæmt rannsókninni sem birt hefur verið í Journal of the American Medical Association (JAMA) eykur Covid bólusetning hættuna á alvarlegri hjartabólgu allt að 120-falt.

Í rannsókninni voru skoðaðar yfir 23 milljónir sjúklingaskráa hjá íbúum eldri en 12 ára í Danmörku, Finnlandi, Noregi og Svíþjóð frá upphafi bólusetninga í desember 2020 til 5. október 2021.

Niðurstöður rannsóknarinnar sýndu að hjá ungum körlum á aldrinum 16-24 ára, var alvarleg hjartavöðvabólga (þarfnaðist sjúkrahúsinnlagnar) um fimm sinnum algengari eftir Pfizer og 14 sinnum algengari eftir Moderna.

Þetta samsvaraði sex tilvikum á hverja 100.000 manns eftir Pfizer bólusetningu og 18 tilvikum á hverja 100.000 eftir Moderna.

Í tilfellum þar sem annar skammtur bóluefnisins var frá Moderna en sá fyrri frá Pfizer var áhættan enn meiri, eða 36-föld, sem samsvarar 27 tilvikum á hverja 100.000 manns. Moderna bóluefnið inniheldur þrisvar sinnum stærri skammt af mRNA en Pfizer bóluefnið, sem höfundar rannsóknarinnar telja ástæðuna að baki aukinni áhættu.

Athygli vekur að rannsóknin virðist ekki geta ákveðið hversu mörg alvarleg hjartavöðvabólgutilvik voru alls. Í töflu 2 hér að neðan, í vinstri dálki, er gefið til kynna að tilvikin hafi verið 85 + 34 + 53 = 172 eftir annan skammtinn.

Í textanum stendur aftur á móti:

Á 28 daga áhættutímabilinu sáum við 105 tilfelli af hjartavöðvabólgu eftir fyrsta skammtinn af BNT162b2 [Pfizer] og 115 tilfelli eftir síðari skammtinn. Við sáum einnig 15 tilfelli eftir fyrsta skammtinn af mRNA-1273 [Moderna] og 60 tilfelli eftir þann seinni.

Sem er 115 + 60 = 175 tilvik eftir seinni skammtinn. En síðan sjáum við þriðju töluna: „Af 213 tilfellum á 28 daga áhættutímabilinu eftir síðari bólusetningu áttu 135 tilfelli sér stað á fyrstu vikunni.“

Hversu mörg tilfelli af alvarlegri hjartavöðvabólgu voru því innan 28 daga frá öðrum skammti af mRNA bóluefni; 172, 175 eða 213?  Lesa nánar hér.

Hér sjáum við heildartöflu yfir niðurstöður fyrir alvarlega hjartavöðvabólgu á 28 daga tímabilinu. Athugið að áhættan er talsvert meiri fyrir marga undirhópa, sérstaklega fyrir karla undir 40 ára (ekki bara á aldrinum 16-24), eftir annan skammt af Moderna, en einnig í öðrum tilvikum.