Í síðustu viku tók fjölmiðlakonan Dr. Naomi Wolf hjá Daily Clout viðtal við Edward Dowd, fyrrverandi eignasafnsstjóra fjárfestingafélagsins Blackrock. Dowd er orðinn þekktur fyrir að fjalla um fjármálahliðina á Covid-19 tilraunabóluefnunum eins og Fréttin fjallaði m.a. um fyrir skemmstu.
Dowd hefur 30 ára reynslu í fjármálaheiminum og starfaði m.a. í 10 ár hjá BlackRock þar sem honum og teymi hans tókst að breyta 2 milljörðum dollara í 14 milljarða dollara með því að auka markaðshlutdeild sem hafði farið minnkandi. Hann hefur oft í gegnum tíðina séð svik og blekkingar framdar á fjármálamörkuðum, ásamt „fjöldageðrofi“ sem leyfði svikunum að viðgangast eins lengi og þau gerðu.
Í viðtalinu, sem er afar fróðlegt, fóru þau Dr. Wolf og Dowd yfir mörg þeirra atriða sem er að finna í „geggjuðu bólusetningapúsluspili“ sem búið var til af þeim sem ætluðu sér að hagnast fjárhagslega.
Dowd setti fram kenningu um fjöldabólusetningaráætlunina og fjármálasvikin eftir að hafa skoða ýmsar staðreyndir og heimildir. Dr. Wolf og um 3000 manna teymi hennar hefur tekist að styðja kenningu Dowd með sönnunargögnum um svik og yfirhylmingar sem teymi hennar er farið að afhjúpa í þeim fjölda Pfizer skjala sem hafa verið birt til þessa.
Núverandi svik eru í nafni "Trust the Science"
Dowd kveðst þrisvar hafa séð meiriháttar svikum og blekkingum beitt á fjármálamarkaði.
Fyrst nefndi hann "dot-com" eða internet bóluna frá 1995 til 2002 sem snérist um óeðlilega hækkun (400%) hlutabréfa í tæknifyrirtækjum þar til þau snarféllu um 80% í október 2002 og mörg þeirra fóru á hausinn.
Næst nefndi hann húsnæðisbóluna og fjármálagerningana í kringum hana sem endaði með „hruninu“ 2008, sem flestum Íslendingum er í fersku minni eins og „Guð blessi Ísland“ ræða forsætisráðherra í október það ár.
Núverandi svikastarfsemi er hins vegar byggð upp í kringum frasann "Trust the Science" eða „treystið vísindunum“ og stendur hún enn yfir. Vandamálið við núverandi vísindasvik eru að þau eru ekki einungis fjármálalegs eðlis heldur varða þau líf og heilsu fólks beint þar sem þau tengjast heilbrigðismálum.
Það sem styður kenninguna um vísindasvik og blekkingar eru klínísk gögn sem hafa komið fram sem sýna að Covid-19 tilraunabóluefnin eru svikin og hættuleg vara og prófanir efnanna fóru ekki fram eftir viðurkenndum stöðlum.
Þá er sú tilraun að reyna að leyna gögnunum í 75 ár eins og Matvæla- og lyfjastofnun Bandaríkjanna (FDA) og Pfizer gerðu, einn angi af svikunum og blekkingunum sem eru í gangi.
Dowd bendir á að þátttaka FDA í svindlinu sé m.a. vegna þess að margir starfsmenn FDA stefni að því að fara að vinna hjá lyfjarisunum eftir að þeir hafa lokið sínum 5 árum eða svo hjá FDA. Þess vegna reyna þessir starfsmenn að þóknast lyfjarisunum á meðan þeir starfa hjá FDA.
Ferill svika í fjármálaheiminum
Svik í fjármálaheiminum fylgja ákveðnu ferli. Svikin aukast og þeir sem bera ábyrgð á því græða, þar til að lokum er náð því sem Dowd kallar beygjuskil (e. inflection point) og þá snýst þróunin við.
Dowd kom fram með þessa kenningu um bóluefnasvikin á undan öðrum sem ekki er undarlegt þar sem velgengni hans í fjármálaheiminum hefur byggst á þessari skarpskyggni hans. Fjármálaheimurinn sem hann starfar í byggist á fjármálaspám og gagnagreiningum og hann þarf ekki og getur ekki beðið eftir því að blaðamenn á t.d. The New York Times greini frá atburði til að geta séð fyrir sér tiltekið ferli og brugðist þá við því.
Þó svo að allir viti að helstu fjölmiðlar hunsi algjörlega enn það sem margir myndu líta á sem mesta mannúðarhneyksli sögunnar, þá er Wall Street farið að átta sig á þeim hryllingi sem hefur verið í gangi.
Dowd útskýrði að það þyrfti að gera greinarmun á markaðnum sem glímdi við ýmsan vanda og svo hlutabréfum. Sagði hann vanda markaðarins hafa valdið hækkunum á hlutabréfamarkaði.
Þá sagði hann að þó svo að hlutabréf Pfizer virðist nokkuð stöðug eins og er, telur hann að þau sé í hámarki og muni fara niður fyrir fyrra lágmark. Benti hann t.d. á hlutabréf Moderna sem hafi lækkað mikið. Sú umræða sem er í gangi um ókosti tilraunabóluefnanna og allt í kringum þau takmarkaði áhuga á hlutabréfum í þessum fyrirtækum.
Hvernig virka svikin - hugarheimur svikarans
Í viðtalinu lýsti Dr. Wolf ítrekað þeirri vantrú og ruglingi sem margir hafa upplifað. Það sé erfitt að hætta að spyrja: „En AF HVERJU“ aftur og aftur þegar við hugsum um hvað fékk svo marga til að ýta vísvitandi gölluðum og skaðlegum bóluefnum að eins mörgum og þeir mögulega gátu, vitandi um hugsanlegar afleiðingar.
Dowd fór yfir það hvernig svikin gerast, hvernig glæpamaður starfar og hugsanlegar ástæður að baki því frá nokkrum mismunandi sjónarhornum:
Forstjórar leika sama svika-leikinn
Albert Bourla, forstjóri Pfizer, hefur komið fram í mörgum viðtölum nýlega. Í sumum þeirra fjarlægði hann sig frá mRNA tækninni og lýsti t.d. undrun sinni á því að „þeir“ noti tæknina þar sem Pfizer hefði enga reynslu af notkun hennar.
Hins vegar, nokkrum dögum síðar, breytti hann um stefnu og fór að hvetja til fjórðu bólusetningar. Hvers vegna ætti hann að gera það ef hann veit að svikin með örvunarskammtana munu á endanum ná beygjuskilum og ekki ganga lengur?
Dowd segist hafa séð svona hegðun aftur og aftur á 30 ára ferli sínum. Þar sem forstjóri fyrirtækis sem stundar svik sem gætu farið að komast upp reynir að hækka verðgildi hlutabréfa í fyrirtækinu sínu eins mikið og hann getur og síðan mun hann koma sér „út“ rétt áður en þau hrynja. Í tilfelli Bourla eru viðskipti af þessu tagi ekki einu sinni ólögleg þar sem varan var fyrirframgreidd í gegnum fasta sölusamninga við ríkisstjórnir heims.
Háskólar firra sig ábyrgð
En af hverju myndu háskólar þrýsta á bólusetningar með tilraunabóluefnum og hoppa upp í lest sem er á leið í málaferli?
Dowd sagði þetta með háskólana vera stærsta dæmið um ósamhverfar upplýsingar sem hann hefði séð á ævinni. Dowd kallaði vel upplýst fólk "Smart Money." Slíkt fólk hefði áhrif þar til beygjuskilum væri náð.
Hann sagði hins vegar að háskólarnir hafi ekki enn farið yfir í "Smart Money" hópinn því þeir væru ekki vel upplýstir. Ástæða þess væri að hluta til sú að stjórnendur þeirra treysta eingöngu í blindni á opinber tilmæli og reglur Sóttarnarstofnunar Bandaríkjanna (CDC) án frekari skoðunar og því hafa þeir litlar raunverulegar upplýsingar. Háskólunum sé því í raun alveg sama um afleiðingarnar þar sem þeir fylgja fyrirmælum stjórnvalda (CDC og FDA) og þannig firra þeir sig ábyrgð.
Forstjóri CDC vísar til upplýsinga frá CNN - reynir að firra sig ábyrgð
Þá tók Dowd dæmi um það þegar Rochelle Walensky, forstjóri CDC; vísaði í nýlegu viðtali til þess að hún hefði fengið upplýsingar um virkni tilraunabóluefnanna á fréttastöðinni CNN, þetta væri dæmi um að hún væri að reyna að firra sig ábyrgð.
Þetta gerði hún á sama tíma og hún lét sem allt væri í himnalagi með tilraunabóluefnin og hvatti fólk til að sprauta þeim í sig.
Þá tók Dowd fram að þessi svik og blekkingar hefðu aldrei getað átt sér stað án aðkomu Matvæla-og lyfjastofnunar Bandaríkjanna (FDA) og Sóttvarnastofnunar Bandaríkjanna (CDC) sem setti reglurnar.
Glæpahugurinn og meðvirknin
Þegar glæpamaðurinn er síðan staðinn að verki lætur hann sem ekkert sé og og allt sé í lagi á meðan hann vonast til að vandamálið hverfi fljótt og að eitthvað annað komi til að fanga athygli almennings. Eins og í dæmunum hér að framan.
Stóra málið varðandi gerendur þessarar tilteknu glæpasvika er að afleiðingar af meðvirkni með þeim eru oft of hræðilegar til að vera í raun skiljanlegar. Fórnarlömb svika þessara glæpamanna og þeir sem vita ekki enn að þeir eru fórnarlömb, en munu komast að því síðar, munu ganga í gegnum sorgarferli.
Margir eru enn í afneitun, en Pfizer ætti að fara að undirbúa sig vegna þess að reiðin er að koma fram. Þá munu margir sem mærðu tilraunabóluefnin (voru í bóluefnaliðinu) aldrei geta horfst í augu við þá hræðilegu framkomu sem þeir hafa viðhaft gagnvart óbólusettum, bæði í orði og á borði.
