Eftir Arnar Sverrisson:
Náttúrubarnið, Lucy Davies, hefur skrifað áhrifamikið, opið bréf til heimsins barna. Hún biður þau afsökunar á fullorðinna, vegum. Inntakið er áhugavert. Hún skrifar m.a. á þessa leið:
Okkur láðist að greina innihald bóluefnanna. Okkur yfirsást smáa letrið á grímuumbúðum. Þar stendur, að grímurnar séu ekki vörn gegn veirum. Við trúðum því, að þeir, sem lokkuðu okkur með pylsum (kebab) og kleinum, væri umhugað um heilsu okkar. Sjálfum okkur til varnar verður þó að segjast, að allt okkar líf höfum við sætt innrætingu. En samt!!
Skynlaust treystum við og trúðum þeim, sem aldrei hefði átt að treysta. Ég geri mér í hugarlund, að einn góðan veðurdag, þegar þú hefur vaxið úr grasi, setjist þú andspænis okkur, horfir í augu okkar og spyrjir: „Láttu mig heyra. Hvers vegna?“ Ég vona, að þú látir verða af því. Því þú átt heimtingu á skýringu.
Ég hvet þig til að draga allt í efa, því sjálfskipaðir stjórnvaldsvitringar, sem vita best, gera það í raun ekki, en hafa ákveðnar hugmyndir um framtíð þína. Þeir fara ekki dult með það; Alheimsefnahagsráðið (World Economic Forum), Alþjóðaheilbrigðisstofnunin (World Health Organization) og fleiri.
Allar þessar stofnanir hafa svipt hulunni af áætlunum sínum. Þær beita bellibrögðum til að sannfæra okkur um gildi slæmra hugmynda, sem við höfum engin tök á að stjórna.
