Brasilíski miðjumaðurinn Lucas Leiva þarf að taka sér frí frá fótbolta vegna hjartavandamála. Þetta kemur fram í yfirlýsingu frá brasilíska félaginu Gremio.

Leiva er einn af mörgum íþróttamönnum sem hefur glímt við hjartavandamál undanfarið en þau hafa stóraukist eftir að svokölluð Covid „bóluefni“ voru tekin í notkun snemma árs 2021 og margir íþróttamenn verið skyldaðir í sprautur þrátt fyrir að veiran valdi ungu og hraustu fólki nánast engum vandræðum.

Leiva snéri aftur heim til Brasilíu í sumar eftir að hafa spilað í Evrópu frá 2007. Hann lék með Liverpool í tíu ár áður en hann samdi við Lazio árið 2017.

Þar spilaði hann í fimm ár en ákvað sína að fara aftur til Brasilíu og semja við gamla félagið sitt, Gremio. Leiva mætti aftur á æfingar á dögunum til að  undirbúa fyrir næsta tímabil en eftir ítarlegar rannsóknir uppgötvaðist að hann væri með óreglulegan hjartslátt og má því ekki æfa eða spila fótbolta um óákveðinn tíma.