Andrew Bridgen, þingmaður Íhaldsflokksins, sem fer með stjórn mála í Bretlandi, nýtti aðstöðu sína í þinginu í gær og lýsti því yfir að samkvæmt áreiðanlegum heimildum væri háttsettur meðlimur í bresku hjartasamtökunum (British Heart Foundation) að fela skýrslu sem sýnir að mRNA Covid sprautuefnin auki bólgur í hjartaslagæðum.

Bridgen hefur kallað eftir því að mRNA Covid bólusetningar verði stöðvaðar og hélt því fram að skýrsla sem tengir hjartavandamál við sprauturnar hafi verið bæld niður af háttsettum hjartalækni sem gegnir yfirmannsstöðu hjá bresku hjartasamtökunum.

Þingmaðurinn nýtti umræðutíma í þinginu og sagði að verið væri að hylma yfir vandamál varðandi „bóluefnið“ vegna fjárhagslegra tengsla við lyfjafyrirtækin. Ásökunum hefur verið hafnað af samtökunum.

Bridgen vitnaði í Richard Smith, fyrrverandi ritstjóra læknatímaritsins British Medical Journal (BMJ), sem sagði: „Misferli í rannsóknum er útbreiddur vandi og ekki hefur verið brugðist við því að neinu viti. Eitthvað er rotið í breskum læknavísindum og hefur verið í langan tíma.“

Bridgen sagði: „Uppljóstrari sem er mjög áreiðanlegur heimildarmaður hefur vakið athygli mína á því að ein þessara stofnana er að hylma yfir gögn sem sýna með skýrum hætti að mRNA bóluefnið valdi bólgum í hjartaslagæðum.“

„Þeir eru að hylma yfir af ótta við að geta tapað fjármunum frá lyfjaiðnaðinum,“ bætti þingmaðurinn við.

„Yfirmaður hjartarannsóknardeildar þeirrar stofnunar gegnir áhrifamiklu leiðtogahlutverki hjá bresku hjartasamtökunum og það veldur mér vonbrigðum að þurfa segja frá því að hann hafi sent út þagnarskyldusamninga til rannsóknarteymis síns til að tryggja að þessi mikilvægu gögn líti aldrei dagsins ljós. Þetta er svívirðilegt.“

Bridgen benti einnig á rannsóknir sem sýndu 25 prósenta aukningu á hjartaáföllum í aldurshópnum 16-39 ára í Ísrael í tengslum við fyrsta og annan skammt af sprautuefninu og að þau tengdust ekki Covid sýkingu.

Hér má lesa nánar um ræðu þingmannsins og hægt að hlusta á Bridgen hér: