Eftir Arnar Sverrisson:

Þegar góði dátinn, Volodymyr, sneri heim að lokinni frægðarför sinni í Hvíta húsið, þar sem hann tók við „fjárfestingum“ í frelsi og lýðræði úr sjóðum bandarískra skattgreiðenda, biðu hans mikilvæg stjórnsýslumál

Meðal annars þurfti að skipa sendiherra þjóðarinnar í Búlgaríu. Yfirmenn í grannríkinu hafa reynst tregir í taumi og sínkir á vígtól handa Volodymyr og dátum hans.

En aðalleikarinn, Volodymyr, er ekki allur, þar sem hann er séður, þegar stjórnlist og jafnrétti er annars vegar. Það hefur nefnilega runnið upp fyrir honum, að vinirnir í Búlgaríu falli ekki fyrir töfrum hans. Þess vegna reynir hann aðferð sem aldrei klikkar, seiðandi, eggjandi fegurðardís, þrunginni af kynþokka. Nú mega búlgarskir halda sér í skefjum.

Volodymyr beitti þessari aðferð með góðum árangri, þegar hann sendi „leynivopnið“ (hit-woman), Natalie Jaresko, til Wall Street, þegar „Úkraína“ var sett þar á markað. Hæfni hennar verður vafalaust metin að verðleikum hjá sjálfum Larry Fink, forstjóra Svarta kletts (Black Rock), þegar kemur að því að haga fjárfestingum sjóðsins í Úkraínu. Volodymyr hefur þegar plægt akurinn.

Olesya Ilashchuk heitir hún. Hún er ekki barasta íðilfögur, heldur er hún (að eigin sögn) klínískur sálfræðingur, kynfræðingur, geimsteinasali, dáleiðandi, markaðsfræðingur, fjölskyldukerfisþerapisti, Gestaltþerapisti (Gestalt er aðferð við sállækningar), svo það helsta sé nefnt - að ógleymdri enskukunnáttu.

Kenningar gyðjunnar gætu valdið straumhvörfum. Þær eru á þá leið, að fæðubótarefni örvi kynhvötina, sem er sjálfur „aflvaki peninganna.“ Þessi kenning hefur vafalaust reynst henni vel við rekstur „Jemma,“ sem verslaði með djásn og dýra steina fyrir auðvaldinn, Ivan Rynzuk. Hann var aftur á móti iðinn við peningaþvætti og mútur.

Ætli formaður Sjálfstæðisflokksins hafi setið stjórnmálanámskeið með Volodymyr?