Árið 2022 var ár þar sem margt var afhjúpað.

Fólk er eins og hamstrar á hlaupahjóli kerfisins og hefur verið í mjög langan tíma, Covid var mjög stýrt og næsta ár verður mikið úrvinnsluár í kjölfar faraldursins.

Á næsta ári koma afleiðingar og lærdómur í kjölfar faraldursins og gífurstjórnunar síðustu áratuga og árið 2023 eru einskonar lokaátök vissra afla til undirbúnings nýrrar friðaraldar, svo við stöndum á miklum tímamótum og erum í lokakvörninni eða hreinsuninni fyrir nýja tíma.

Árið 2023 hefur þversummuna 7 sem er heilög guðdómleg tala sem kallar á heilun aðstæðna og guðlegt réttlæti. Krafan um jöfnuð og réttlæti verður ríkjandi. Árið krefst reikningsskila á karma og illum gjörðum og færir gjafir fyrir góð gildi.

Mikið hrun í efnahagskerfunum og gífurlegar hæðir og lægðir og í lok ársins kemur grunnur að nýju kerfi í efnahagsmálum

Efnahagshrunið er með öðrum þáttum afleiðingar vanhugsaðra sóttvarnaraðgerða faraldursins og á næstu misserum kemur í ljós hve alvarlega yfirvöld brutu á þegnum sínum í öllum löndum á tíma faraldursins. Berlega kemur í ljós hve sóttvarnaraðgerðir vanræktu andlega heilsu og uppbyggingu sjálfsmyndar á viðkvæmum barns og unglingsárum og sagan mun dæma þessar aðgerðir sem kennslubókardæmi um hvernig á ekki að gera hlutina. Börn og ungmenni sýna einkenni eftir ofbeldi sem þeim var sýnt á Covid tímunum ( þvinganir eins og tilhæfulausar einangranir, ítrekaðar prufur hjá fullheilsuhraustum, sem oft ollu veikindum svo sem blóðnösum eða öðrum kvillum, grímuþvinganir með grímum sem kemur í ljós að eru gerðar með eiturefnum, sífelldur hræðsluáróður yfirvalda og opinberra stofnana og fleira) og framundan er að pússla saman brotin.

Þeir sem fóru sínar eigin leiðir á þessum tíma voru hundeltir líkt og á tímum Hitlers í Þýskalandi.

Miklu fleiri ljóseindir úr geimnum og öflugum sólgosum eru að koma á jörðina og Schumann tíðnin, eigintíðni jarðar er að hækka. Við erum sem manneskjur og lífverur að uppfærast og erfðaefnið er að virkjast betur og með því koma hæfileikar manneskjunnar betur og sterkar fram.

Eilífðarvélin og óþrjótandi orka í framtíðinni

Eins og miðillinn frægi Craig Hamilton Parker spáði fyrir um í síðustu áramótaspá sinni fyrir 2022 kom fram eins konar eilífðarvél á árinu eða í lok árs en þá fundu vísindamenn leið með einhvers konar sameindabræðing eða samruna til að búa til vél sem gefur margfalt meiri orku en sett er í hana. Orkan sem framtíðin býður uppá er takmarkalaus eins og Tesla spáði fyrir um og það er athyglisvert að þessu er ekki haldið að fólki eða tíðrætt í fjölmiðlum heldur er gert allt til að beina sjónum fólks að því að orkan sé mjög takmörkuð og hún hækkuð upp úr öllu valdi í ýmsum löndum á sama tíma. Stríðandi og stjórnandi öfl vilja stjórna með brögðum eins og orkuskömmtun og halda fólki á hamsturshjólinu með öllu móti.

Árið 2023 er öll þessi valdabarátta og atburðir heimsins í lokakvörn og við sjáum gífurleg átök og jafnvel tvö önnur stríð en Úkraínustríðið. Mikið er gert úr stríðsátökunum í fjölmiðlum og stríðsherrar settir í guða og stórstjörnuljós því margir græða á stríðum og þau eru hluti af því að viðhalda þessari óttastjórnun sem fær hamsturinn til að hlaupa áfram á hjólinu sínu.

Infrastruktur eða velmegunarkerfið eins og heilbrigðiskerfið, gatnakerfið, skólakerfið og fleiri kerfi eru að sligast undan sífellt vaxandi ferðamannastraumi og einnig sístækkandi hóp innflytjenda. Reykjavíkurborg vanrækir börn og gamalmenni á ýmsan máta en eys fjármunum í ýmsar puntbyggingar og nýtískulega hluti. Siðaðar þjóðir hugsa um börnin sín í þeirri merkingu að hugsa um þá sem minna mega sín og þá sérstaklega börnin í orðsins fyllstu merkingu.

Hnignun í íslensku samfélagi út af lélegum stjórnarháttum 

Það verður hallarbylting á árinu bæði innan borgarstjórnar, sumra sveitarstjórna og á Alþingi og á vordögum munu einhverjir kóngar og/eða drottningar þurfa að víkja úr sæti og taka pokann sinn. Þetta er hluti af hreinsun sem á sér stað um heim allan og við erum byrjuð að sjá og á árinu 2023 munum við sjá miklar sviptingar í leiðtogum heimsins, þar sem margir munu víkja úr embætti og aðrir fá heimsókn frá engli dauðans, svo hreinsunin nái fram að ganga. Þeir sem ekki þjóna heildinni víkja á einn eða annan hátt á árinu heima og erlendis.

Kvikmyndagerð á Íslandi rís ennþá hærra eins og ég spáði á síðasta ári og mikil framleiðsla er á myndefni fyrir kvikmyndahús og streymisveitur. Auk þess hefur Ísland mörg tromp á hendi hvað varðar úrvalstónlistarfólk og margir snillingar stíga fram á árinu og næstu árum.

Skólakerfið verður sveigjanlegra og mun bjóða upp á meiri fjar-og heima kennslu á öllum stigum. Við förum inn í betri tíma í skólakerfinu þar sem hæfileikar hvers og eins eru greindir og ræktaðir og unnið er með ólík fög og margar greindir frá grunni.

Stórt gos verður á Suðurlandi síðsumars sem hefur áhrif víða en mannbjörg verður

Miðlar urðu varir við sérstök teikn á lofti yfir Reykjanesskaga við upphaf síðasta goss og telur Elín að þar sé um að ræða æðri verur á geimförum sem jafna segulsvið jarðar á þann máta að gos og hraun skaði ekki mannanna byggðir áður en gosið flæðir upp á yfirborðið. Hún telur því að mikil vernd sé yfir landinu í náttúruhamförum.

Árið 2023 er hluti af göngubrúnni yfir í friðaröldina. Á árinu verður ýtt undir jöfnuð í heiminum og fólk snýr sér í auknum mæli að sínum hæfileikum og hugðarefnum. Hinn almenni borgari mun samt sem áður þurfa að standa á sínu og potast áfram og mótmæla ofríki.

Árið 2026 og 27 verður Ísland leiðandi í andlegum málefnum og því að hugsa vel um og rækta börn og fullorðna.

Framundan eru betri tímar til hamingju Ísland og áfram gakk.

Hér má finna myndefni um spánna.