Eftir Hall Hallsson:
Dónald Jón Trump 45. forseta Bandaríkjanna verður í dag birt ákæra fyrir að hafa þegið þjónustu Stormy Daniel árið 2006 og greitt 2016! Stormy dró ásökun sína til baka 2018. Alríkisstjórnin, það er að segja dómsmálaráðuneytið hafði gefið málið á bátinn, en saksóknarinn Alvin Bragg tekið það upp í demókrataríkinu New York. Dónald Jón verður frambjóðandi repúblikana við næstu forsetakosningar ef marka má skoðanakannanir vestra. „Þetta er vopnvæðing dómskerfis, ekki amerískt réttarfar; Weaponization of the Justice System, not the American Way of Justice,“ segir dómókratinn Alan Derhzowitz kunnasti lögmaður Bandaríkjanna. Í Bandaríkjunum segja menn að í gildi sé tvöfalt réttarkerfi; eitt fyrir demókrata og annað repúblikana Trump. Bill Clinton var ásakaður um kynferðis áreiti árið 1991 konu að nafni Paula Jones; Joe Biden var ásakaður um kynferðis áreiti af konu árið 1993 að nafni Tara Read. Trump er hvorki ásakaður um áreiti né ofbeldi.
Opec dregur úr olíuframleiðslu
Hraðinn á þeim breytingum eða byltingu sem við upplifum eykst með degi hverjum. Olíuverð á mörkuðum hækkaði í gær eftir að OPEC+ ríki tilkynntu um samdrátt olíuframleiðslu um 1.16 milljón olíuföt á dag frá maí og út árið. Áður höfðu Rússar tilkynnt um samdrátt á framleiðslu um 500 þúsund tunnur. Rússar og Saudar stilla saman strengi. Bandaríkin hafa gengið á helming olíubirgða sinna, svo staða þeirra er veik. Vesturlönd höfðu tilkynnt um 60 dollara hámarksverð til þess að refsa Rússum sem part af viðskiptaþvingunum sem talið var að myndu knésetja Rússland. Brent hráolía hækkaði í 84.94 dollara og talið líklegt að fari í 100 dollara. Vesturlönd standa á brauðfótum.
Dagar dollars senn taldir
Dagar dollars eins og við þekkjum eru senn liðnir með því braki og brestum sem mun fylgja. Saudi-Arabía hefur formlega sagt skilið við forræði Ameríku. Japan hefur tilkynnt olíukaup af Rússum og sagt skilið við forræði Ameríku. Brasilía hefur sagt skilið við forræði Ameríku. Indland hefur sagt skilið við forræði Ameríku. Íranar og Saudar eru bestu vinir. Spáð er að Tyrkir yfirgefi Vesturlönd, Arabalönd virðast sameinuð. Efnahagsbandalag BRICS; Brasilía, Rússland, Indland, Kína og Suður Afríka þýðir Yuan sem gjaldmiðil á gullfæti. 80% mannkyns er að segja skilið við styrjaldir, dramb og forræði Ameríku og Nato.
Mótmæli í Bordeaux
Á meðan logar Evrópa í mótmælum
Á sama tíma leiða Frakkar hörðustu mótmæli í sögu Evrópu og alveg sérstaklega Frakklandi, líklega frá frönsku byltingunni. Milljónir Frakka mótmæla Macron forseta á götum úti, menn reyna að tengja mótmælin við eftirlaun en Frakkar hafa fengið nóg af Macron forseta og elítu hans. Ráðhús Bordeaux var í ljósum logum í síðustu viku. Karl III Bretakonungur hugðist heimsækja ráðhúsið en eðli máls samkvæmt varð að fresta Frakklandsreisu konungs. Lögregla beitir fólk grimmu ofbeldi, tugir þúsundir tonna af sorpi hlaðast upp á strætum Frakklands. Þegar Frakkar, Þjóðverjar og hollenskir bændur mótmæla á götum þá rumska hvorki Washington, Brussel né okkar litla Reykjavík ef út í það er farið. Okkur er sagt að íbúar Evrópu þurfi ekki að mótmæla, undir forræði Evrópusambandsins ríki frelsi og lýðræði. Þegar mótmælt er í Hvíta Rússlandi og Georgíu þá flytja ríkis-rúv og ríkra-miðlar á ríkisfé ítarlegar fréttir af frelsisþrá fólksins. Tony Blinken í Washington og komízar Jósep Borell í Brussel hvetja stjórnvöld í Minsk og Tiblisi til að sýna stillingu í nafni frelsis, lýðræðis og mannréttinda. Þess þarf ekki ef fólkið í Evrópu mótmælir.
Mótmælt í Berlín
Og líka mótmælt í Berlín
Fjölmenn mótmæli voru í Berlín og víðar í Þýskalandi gegn hernaðarhyggju Olafs Scholz kanslara og ákvörðun að senda þýska skriðdreka í styrjöld við Rússa. Þjóðverjar höfðu heitið því að feta aldrei í fótspor Hitlers. Þjóðverjar eru rasandi yfir lindkind Scholz vegna hryðjuverks Bidens og Störes á Nord Stream gasleiðslunum í Eystrasalti. Elítan forðast eins og heitan eld að ræða það vandræðalega mál. Alveg eins og Katrín og Þórdís okkar forðast að útskýra flug P8 þotunnar sem sveimaði yfir gasleiðslunum nóttina 26.09.2022. Það er svo notalegt að stýra þjóðfélagi þar sem fjölmiðlar spyrja ekki elítu okkar óþægilegra spurninga.
Hvenær sér fólk að almenningur í Evrópu og Ameríku mótmælir forræði fámennrar elítu sem fer með stríði á hendur þjóðum og kúgar eigin þegna ...
Frá mótmælum í Frakklandi
Rusl safnast upp eftir mótmælin