Breski hjartalæknirinn Aseem Malhotra kallar eftir því að COVID-19 bólusetningar verði stöðvaðar og bóluefnin rannsökuð. Í ritrýndri grein fer hann í gegnum nokkrar vísindarannsóknir og kemst að þeirri niðurstöðu að bóluefnið sé hvorki öruggt né gagnlegt. Sem hjartalæknir hefur hann orðið vitni að alvarlegum hjartavandamálum af völdum bóluefnisins og sjálfur missti hann föður sinn sem fór í hjartastopp eftir Covid bólusetninguna. Faðir hans sem var 73 ára og áður við góða heilsu lést 6 mánuðum eftir að hafa farið í tvær Pfizer sprautur.

Tölur frá Noregi sýna að einn af hverjum 926 einstaklingum hafa fengið alvarlegar aukaverkanir af bóluefninu og samkvæmt annarri rannsókn gæti fjöldinn verið allt að einn af hverjum 300. Malhotra telur að harmleikur síðustu þriggja ára hafi átt sér stað vegna gallaðs kerfis, þar sem eftirlitsstofnanir eru fjármagnaðar af lyfjaiðnaðinum og iðnaðurinn stundar vísindin á eigin forsendum. Malhotra hvetur fólk til að tjá sig og krefjast umbóta á kerfinu. Þetta kemur fram í viðtali við hann á norsku vefsíðunni Atntjianteboka.

Malhotra var einn þeirra sem hafði mikla trú á bóluefninu í byrjun, enda var því haldið fram að sprauturnar væru 95% árangursríkar gegn Covid. Hann segist í raun hafa verið mjög djúpt sokkinn í afneitun og hafi reiðst og blokkað þá sem sögðu að bóluefnið gæti verið orsökin á andláti föður hans. Svo leið dálítill tími þar til hann segist hafa opnað augun gagnvart þessum staðreyndum og þá farið að rannsaka fyrir alvöru, og áttað sig á að um meiriháttar vandamál væri að ræða.

Malhotra, sem fór sjálfur í tvær sprautur, segir að eftir að hann fór að rannsaka málið betur og komist að þeirri niðurstöðu eftir ítarlegar og ritrýndar rannsóknir, að bóluefnin væru áhættusöm og ekki góð vörn, hafi hann fengið á sig "anti-vaxx" stimpilinn, sem hann segir furðulegt, í ljósi þess að hann hafi sjálfur farið í tvær sprautur og því glórulaust að halda því fram, segir hann.

Hann segir meginstraumsmiðla eiga mikla sök á upplýsingaóreiðunni, og fjársterkir menn eins og t.d. Bill Gates hafa fjármagnað óreiðuna, einfaldlega vegna þess að þetta fólk hefur haft beinan hagnað af þessum gölluðu bóluefnum sem stóðust ekki væntingar. Því miður er ekki hægt að treysta þessu fólki og ekki heldur „keyptum“ meginstraumsmiðlum. Ekki er hægt að reikna með að þeir séu hlutlausir.

Malhotra segist enn hafa áhyggjur af eigin heilsu og viti hreinlega ekki hvort hann sjálfur muni þurfa að glíma við hjartakvilla í framtíðinni. Tvö ár eru síðan hann fór í síðustu spautuna, en ekki sé hægt að sjá neitt fyrir og í raun er enginn öruggur. Blaðamaður spurði þá hvort möguleiki væri á að hreinsa líkamann af þessum gaddapróteinum (e. spike protein) [sem eru í Covid bóluefninu], t.d. með einhverjum jurtum eða „afeitrunar kúr“. Læknirinn sagðist ekki vita til þess, enn sem komið er, en oftast þegar hjartavandamál koma upp eftir sprauturnar, koma þau yfirleitt fram innan einhverra vikna eða mánaða.

Aseem Malhotra er þekktur hjartalæknir sem hefur skrifað fjölda visindagreina og hafa greinar eftir hann birst í öllum helstu fjölmiðlum Bretlands. Fæddur í Indlandi árið 1977 en flutti með foreldrum sínum, sem báðir voru læknar, árs gamall til Bretlands og hefur búið þar síðan. Hann hefur m.a. talað gegn ofneyslu lyfja, sem eru meginorsök andláta á eftir hjartasjúkdómum og krabbameini.

Malhotra er einn þeirra sem að verður með erindi á ráðstefnu í Stavanger um næstu helgi sem samtökin Children's Health Defence og Binders Initiative standa fyrir. Fréttin verður á staðnum og mun taka viðtal við Malholtra og fleiri fyrirlesara; sérfræðinga á ýmsum sviðum og stjórnmálamenn frá Bretlandi og Svíþjóð.

Viðtalið í heild sinni má hlusta á hér.

Hér má sjá viðtal við Malhotra í nóvember 2021:

'They aren't going to publish their findings, they are concerned about losing research money'

Dr Aseem Malhotra reveals a cardiology researcher found similar results to a new report showing an increase in risk of heart attack following the mRNA COVID vaccine. pic.twitter.com/63evorQwlJ

— GB News (@GBNEWS) November 25, 2021