Hvenær keypti Þóra Samsung síma?

frettinInnlent, Páll Vilhjálmsson5 Comments

Eftir Pál Vilhjálmsson:

Páli skipstjóra Steingrímssyni var byrlað 3. maí 2021. Daginn eftir var flogið með hann frá Akureyri á gjörgæslu í Reykjavík. Samsung síma skipstjórans var stolið á meðan hann var meðvitundarlaus á Landspítalanum. Steinsnar frá spítalanum í Fossvogi eru höfuðstöðvar RÚV á Efstaleiti.

Staðsetningarbúnaður í síma skipstjórans sýnir að í þjófahöndum fór símtækið í ferðlag yfir á RÚV þar sem síminn var afritaður. Eftir afritun var símtækinu skilað á sjúkrabeð Páls skipstjóra.

Afritun á Samsung símum er gerð með forriti. Símarnir eru lagðir saman og forritið flytur öll gögn úr gamla símanum yfir þann nýja. Aðgerðin tekur nokkrar mínútur.

Afritaður sími skipstjórans fékk símanúmerið 680 2140. Númerið er sérvalið. Aðeins skeikar einum tölustaf á síma Páls sem hefur númerið 680 214X.

Símanúmerið 680 2140 er skráð á Kveik/RÚV, samkvæmt upplýsingum frá Stefáni Eiríkssyni útvarpsstjóra. Þóra Arnórsdóttir er ritstjóri Kveiks á þessum tíma. Undirmenn hennar eru vorið 2021 m.a. Helgi Seljan og Aðalsteinn Kjartansson. Föstudaginn 30. apríl 2021, þremur dögum áður en skipstjóranum var byrlað, var Aðalsteinn fluttur af ritstjórn Kveiks yfir á Stundina. Afar sjaldgæft, jafnvel einsdæmi, er að fréttamaður á RÚV skipti um starf í hádeginu.

Aðalsteini og vinnuveitendum hans á RÚV og Stundinni var umhugað að tilkynna alþjóð að fréttamaðurinn skipti um vinnustað þennan tiltekna dag, 30. apríl. Vistaskiptin tilkynnti Aðalsteinn sjálfur á Facebook og fékk fjölmiðlaumfjöllun eins og til var stofnað. Hann kvaðst ekki hættur í „rannsóknablaðamennsku“.

Aðalsteini var ætlað að taka við gögnum sem enn voru ekki komin í hendur samstarfsmiðlanna RSK (RÚV, Stundarinnar og Kjarnans). Skipulagið var á Efstaleiti en RÚV ætlaði ekki að birta neinar fréttir - Stundin og Kjarninn sáum um þá hlið málsins. Það gekk eftir. Stundin og Kjarninn birtu efnir úr síma skipstjórans samtímis að morgni 21. maí 2021.

Flutningur Aðalsteins af RÚV yfir á Stundina þrem dögum fyrir byrlun Páls skipstjóra eru kringumstæðurök fyrir aðild RSK-miðla að undirbúningi og skipulagi glæpsins.

Til að afrita síma skipstjórans þurftu blaðamenn að vita hvernig símtæki hann notaði. Ef blaðamenn vissu það ekki gátu þeir ekki fyrirfram keypt rétt símtæki.

Hafi Þóra keypt Samsung síma eftir byrlun Páls er mögulegt að RSK-miðlum hafi verið ókunnugt um fyrirhugaðan glæp. Sími Páls hafi svo að segja komið fyrirvaralaust upp á Efstaleiti og þaðan hafi efninu verið miðlað til Stundarinnar og Kjarnans. Í því tilfelli stundaði ríkisfjölmiðillinn heildsölumiðlun á fréttum. Ekki beinlínis faglegt en heldur ekki glæpsamlegt. Þórður Snær og Arnar Þór á Kjarnanum og Aðalsteinn fengu þá blaðamannaverðlaun fyrir að birta fréttatilkynningu frá RÚV.

En hafi Þóra keypt Samsung síma áður en Páli var byrlað og leyst út símanúmerið 680 2140 væri óhætt að álykta um aðild RSK-miðla að tilræðinu gegn Páli skipstjóra Steingrímssyni.

Vitanlega myndi tilfallandi bloggari ekki draga neina slíka ályktun. Hann er með dóm á bakinu frá héraðsdómi Reykjavíkur að það sé brot á friðhelgi blaðamanna og æru að draga rökréttar ályktanir.

5 Comments on “Hvenær keypti Þóra Samsung síma?”

  1. Haaa.. þetta símanúmer sem er „gefið upp“ þarna … sem mér finnst pínu ósmekklegt, er símanúmer sem hann fékk EFTIR að búið var að stela símanum… þegar símanum var stolið var allt annað símanúmer en þetta í honum????

  2. Haaa.. þetta símanúmer sem er „gefið upp“ þarna … sem mér finnst pínu ósmekklegt, er símanúmer sem hann fékk EFTIR að búið var að stela símanum… þegar símanum var stolið var allt annað símanúmer en þetta í honum????

  3. Páll heldur áfram að bera út lygar og vernda þjófana hjá Samskip. Óháð því hvernig þessi gögn komust í hendur fjölmiðla hefur Páll aldrei gert athugasemdir um Samherja og óheiðarleg vinnubrögð þeirra. Ef hann væri að gagnrýna Samherja af sama krafti og hann básúnar samsæriskenningu sína um byrlun sem liggja enginn sönnunargögn á bak við væri kannski hægt að taka mark á þessu rausi.

  4. Sæll Einar – Þú sérð í gegnum áróðursbrögð skæruliðadeildar samherja, sem notar þessa meintu byrlun sem smjörklípu til að fá athygli almennings frá mútuglæpum Samherja. ég hef verið alveg hissa á hversu margir virðast taka þessum áróðri eins og nýju neti, þegar fjöldi greina og innihaldsleysi þeirra er augljós tilraun til að halda málinu lifandi í hugum almennings. Allir sem hafa eitthvern skilning á áróðri sjá í gegnum þetta umsvifalaust.

    Menn meiga auðvita hafa sín áhugamál, en það er ekki laust við að maður spyrji út í hvata Palla kennara til að skrifa þetta flóð af greinum um þetta „ekki-mál“. En það er næsta víst að Samherja glæpamennirnir eru honum þakklátir fyrir greiðan og er þá ekki lenska að hygla að frændum? Þar gæti verið kominn áhugi Palla kennara á þessu máli, hann er einfaldlega að drýgja kennaralaunin með þessum spunaskrifum.

  5. Fyrir mér snýst málið ekki um að hann Palli sé að segja hina hliðina á þessu máli og ég ætla ekki að saka hann um að hann sé að hjálpa samherjamönnum?

    Það er lögreglurannsókn í gangi og hún væri ekki í gangi ef þetta fjölmiðlafólk hefði ekkert gert af sér
    Ég er nokkuð viss að samherjamenn séu engir englar frekar enn allar hinar stóru útgerðirnar og það á líka við um flesta ef ekki alla íslensku blaðamennina þar sem sannleikurinn skiptir ekki öllu máli heldur er pólitík látin ráða för þegar fréttir eru skrifaðar eða sagðar á öllum stóru miðlunum. Og maður tali ekki um að blessaðir fjölmiðlarnir geti komist upp eða ætli sér að komast upp með að rettlætt glæp til að uppræta annan glæp á ekki að eiga sér stað. Þannig að ég sé ekkert að því að Palli segi hina hliðina af málinu sem okkar einstöku stjörnu blaðamenn (blaðramenn) munu aldrei segja er bara allt í lagi fyrir mér.

    Ég er ekki að kveða upp dóm í þessu máli eða lýsa stuðningi við Samherja, ég er bara að segja að við skulum bíða og sjá hvað kemur út úr þessari rannsókn á þessum fjölmiðlamönnum í stað þess að dæma kennaran Palla fyrir að segja hina hliðina á málinu.

Skildu eftir skilaboð