Í vikunni var sagt frá því að breskur ekkill hefur stefnt lyfjafyrirtækinu AstraZeneca í Bretlandi vegna 44 ára gamallar eiginkonu sinnar sem fékk blóðtappa og lést þremur vikum eftir „bólusetninguna.“
Í fréttum vestanhafs segir einnig frá nýlegri málsókn gegn AstraZeneca í Kanada. Um er að ræða 23 ára gamlan mann, Jackson Troy Reimer, sem varð blindur eftir sprauturnar. Jackson og foreldrar hans frá Manitoba hafa því höfðað mál. Eftir að hafa fengið COVID-19 bóluefnið fékk Jackson heilablóðfall sem varð til þess að hann er í dag löglega blindur. Verjendur í málinu: AstraZeneca Kanada, Verity Pharmaceuticals (framleiðendur COVIDSHIELD), Vail Resorts sem var vinnuveitandi Jackson, heilbrigðisyfirvöld Vancouver Coastal (sem gaf bóluefnið) og dómsmálaráðherra Kanada. Lagarök stefnanda í þessu máli er: Allir stefndu báru ábyrgð á því að kynna áhættuna í tengslum við COVID-19 bóluefnin.
Hvaða bóluefni og hvers vegna?
Ungi maðurinn var starfsmaður í Whistler fjalli hjá fyrirtækinu Vail Resorts á skíðasvæði í Bresku Kólumbíu í mars 2021. Hann og aðrir starfsmenn sem bjuggu í starfsmannahúsnæði fengu tölvupóst frá fyrirtækinu þar sem mælt var með því að þeir fengju AstraZeneca bóluefnið.
Í kröfugerðinni lýsa stefnendur því að tölvupóstur fyrirtækisins hafi ekki tilgreint áhættuna sem tengist AstraZeneca bóluefninu, einnig þekkt sem COVISHIELD. Mikilvægt er nefna að loks var ákveðið af eftirlitsstofnunum Bandaríkjanna að nota ekki AstraZeneca COVID-19 bóluefnið.
Eins og greint var frá hjá CTVNews í Winnipeg, ákvað ungi maðurinn að fá bóluefnið frá Vancouver Coastal heilbrigðisyfirvöldum í bóluefnamiðstöð sem sett var upp í ráðstefnumiðstöð í Whistler. Aftur á móti, tæpri viku síðar, fór hann að finna fyrir svima og sjónskerðingu og alvarlegum höfuðverk, samkvæmt stefnugerðinni. Hinn 23 ára gamli Jackson var fluttur á heilsugæslustöðina í Whistler og síðan á Vancouver sjúkrahúsið í tölvusneiðmyndatöku og rannsókn.
Ástand mannsins
Samkvæmt stefnu málsins sýndu niðurstöður tölvusneiðmyndar að Jackson hafi fengið heilablóðfall. Í stefnunni er heilablóðfallið og aðrir kvillar sagðir vera afleiðing COVID-19 AstraZeneca bólusetningu.
Ungi maðurinn er í dag löglega blindur, glímir við minnistap, heilakrampa, óhóflega þyngdaraukningu, ásamt fjölda annarra kvilla, skrifar blaðamaðurinn Donton Unger í grein CTVNews.
CTVNews greinir frá því að hingað til hafi ekki reynt á slíka kröfu fyrir dómstólum og hingað til hafi engar skýrslur frá verjendum verið lagðar fram. Stefndu hafa hins vegar 20 - 60 daga til að leggja fram skýrslu, eftir því hvar þeir eru staddir; í Kanada, Bandaríkjunum, eða annars staðar í heiminum.
