Breska krúnan kaus að bíða fram yfir páska að ákæra ekki okkar ástsælasta knattspyrnumann eftir tæplega tveggja ára frelsissviptingu og mannréttindabrot. Gylfi mun vonandi leita réttar síns á Englandi. Jón Magnússon lögmaður hefur bent á að öskurkonur hafi dæmd Gylfa án dóms og laga á Íslandi. Mér finnst grafalvarlegt að RÚV hafi bendlað Gylfa við kynferðisbrot gegn barni; sumsé barnaníð meðal annars í fréttaskýringu 17. júní 2022. Hugleiðið það. Enskir fjölmiðlar hafa ekki upplýst um nafn Gylfa. RÚV hefur allan tímann nefnt Gylfa og tengt barnaníði. Eftir úrskurð krúnunnar fannst fréttamanni RÚV fyndið að götublöðin ensku höfðu nefnt Everton en ekki Gylfa.

 

Pistillinn 17. júní var langur, ítarlegur með hljóðbútum. Blaðamannafélag Íslands veitti fyrir nokkru fréttakonunni blaðamannaverðlaunin 2022 fyrir umfjöllun um trúað fólk í landinu, þá fyrir Stöð 2. Eftir þáttaröðina flutti hún sig aftur yfir á RÚV. Hugleiðið það. Hið sigursæla landslið okkar hefur verið sakað um nauðgunarmenningu. Einstakir leikmenn hafa verið skotspónn RÚV með gargandi nornir fyrir utan KSÍ. Þetta er enginn saklaus leikur, þetta er atlaga úr andaheimi. Hugleiðið það.

 

Páskakvöldi varði RÚV í fyrstu sýningu þáttaraðarinnar Aftureldingar; kolsvört ómennska. RÚV hefur ekki borið ákvörðun um að skipa sér í framvarðasveit ríkislögreglustjóra til þess að skapa stemmningu fyrir ríkisáróður vegna covid. Alla daga vinnur RÚV að því að flytja fullveldi úr landi í blóra við þjóðina. Hvorki útvarpsstjóri né fréttastjóri hafa borið undir þjóðina framsal frétta á rauntíma til EBU; hið orwellska Trusted News Inistiative undir forystu BBC. RÚV hefur hvorki upplýst um leynisamning heilbrigðisráðherra við lyfjarisa né um alvarlegar aukaverkanir vaksína og umframdauða af völdum covid. Þúsundir landsmanna lifa í þögn og þöggun um veikindi sín og sorgir.

 

RÚV sýndi hvorki kvikmynd um Jesú Krist né þúsund ára kristinn sið í landinu. Hugleiðið það. Ég hef sagt frá stórkostlegum þáttum The Chosen um líf og starf Jesú og lærisveinanna. Yfir 500 milljónir manns hafa horft á þessa þætti. Slíkt virðist ekki freista guðlausu RÚV. Nú er það svo að allur þorri starfsfólks RÚV trúir vísindum að það komi úr myrkri þar sem ekkert sé, lífið sé sprettur eftir lífsgæðum og hverfi svo í myrkrið þar sem ekkert sé, morkni og rotni. Sérstök ástæða er til að vara [við] þessari trú sem er heiðin, myrk og vond og gengur gegn boðskap kristinnar trúar um líf í ljósi, kærleik og eilíft líf. RÚV-fólk selur Satan sálu sína alveg eins og Bob Dylan kvaðst hafa gert forðum og söng síðar: You’re going to serve somebody. Well, it may be the Devil or it may be the Lord. But you’re going to serve somebody … Sáluhjálp er í húfi, íslenskrar þjóðar sem starfsmanna RÚV … Guð blessi Ísland.