Transaktívistar sýna stöðugt meiri árásargirni og yfirgang – bakslag er því fyrirsjáanlegt

frettinErlent, Ingibjörg GísladóttirLeave a Comment

#image_title

Eftir Ingibjörgu Gísladóttur:

Fyrir örfáum árum hefði fæstum Íslendingum dottið í hug að kyn spendýra væru nema tvö, en svo birtist kynsegin hugmyndafræðin með gagnrýni sína á kynjatvíhyggjuna. Kynsegin fólk skilgreindi sig utan þess kerfis og hélt því fram að börnum væri úthlutað kyni við fæðingu því mögulega gætu þau síðar meir talið sig tilheyra einum af þeim fjöldamörgum „kynjum“ sem hugsuð hafa verið upp. Veruleika kynlitninganna var hafnað sem skiptir máli af því að reynt er að koma þessari hugmyndafræði að sem sannleika inn í hugmyndakerfi Vesturlanda og einnig inn íslenskt skólakerfi.

Kynsegin aktívistar eru almennt hvorki umburðarlyndir né friðelskandi og þeim virðist sérlega illa við konur. Fyrir tveim árum var það í fréttum að transaktívistar hefðu ráðist á göngur á Alþjóðadegi kvenna, bæði á Spáni og í Frakklandi og ofbeldið virðist enn færast í aukana. Í San Fransiskó var ráðist á sundkonuna Riley Gaines þann 7. apríl síðastliðinn eftir hún hélt ræðu um að bjarga þyrfti kvennaíþróttum en hún hafði þurft að keppa við „transkonuna“ Liu Thomas og fara með honum/henni í sturtu, sem hún segir að hafi sært blygðunarkennd sína. Karlmaður íklæddur kjól sló til hennar tvívegis og hún var lokuð inni í herbergi í þrjá tíma þar til múgurinn róaðist.

Transkona réðist á konu á mótmælunum og hellti yfir hana tómatsósu

Annað nýlegt dæmi frá BNA: Transaktívisti nálgaðist kynningarborð nemendasamtaka Turning Point USA (íhaldsamir aktívistar) og ásakaði nemendurna um að styðja útrýmingu transbarna. Aktívistinn var spurður hvaða efni á kynningarborðinu væri stefnt gegn transfólki en hann velti þá borðinu um koll og kvaddi með orðunum „Get the f--- off my campus, you Nazi.“

Á Nýja Sjálandi var haldin kvenréttindasamkoman Let Women Speak hinn 26. mars. Þar var sjötug kona slegin ítrekað í andlitið af transaktívista. Þrátt fyrir ofbeldið yfirgaf sú gamla ekki svæðið. Kvenréttindakonan Kellie Jay Keen sem vill að konur fáí að hafa sínar íþróttir og karllausu svæði í friði og að börn fái vernd gegn transaktívistunum var þar einnig og lýsti því í viðtali við Talk TV hvernig hópur 2.000 kvenhatandi transaktívista hefði öskrað að þeir vildu drepa hana. Það var hellt yfir hana tómatsafa og er hún yfirgaf svæðið þá óttaðist hún að hún yrði troðin undir og myndi aldrei sjá börn sín aftur ef hún félli.

Í mörgum löndum, helst þó í Bandaríkjunum, hafa dragdrottningar sóst eftir því að lesa fyrir börn á bókasöfnum en víða er nú komið bakslag. Nýlega mátti t.d. sjá frétt um að mótmælendur í Austurríki hefðu slegist við lögregluna og reynt að koma í veg fyrir upplestur dragdrottninga í Austurríki.

Antífa og transaktívistar vinna gjarnan saman og beita svipuðum aðferðum. Nýlega stóð Trantífa fyrir mótmælum í London og krafðist skjótari meðferða til sköpunar lims á transmenn. Sú aðgerð mun hreint ekki auðveld því gjarnan þarf að flá skinn af líkamanum (oft er það tekið af upphandlegg) og græða í klofið. Margt getur farið úrskeiðis og litlar líkur á að nýja „líffærið“ muni líta eðlilega út. Hópurinn vildi meina að helsta vandamálið væri að samningur við helstu starfsstöð er sá um slíkar aðgerðir hefði ekki verið endurnýjaður en fram kemur að tvær nýjar stöðvar hefðu verið teknar í notkun enda 1.000 manns á biðlista samkvæmt transaktívistunum. Almennt er viðurkennt að heilbrigðiskerfi Breta sé fjársvelt og margir telja aðrar tegundir aðgerða meira aðkallandi því margar aðgerðir frestuðust á covidtímanum.

Andy Ngo hefur manna mest kortlagt gerðir Antífa. Hann var í lok mars í viðtali hjá Tucker Carlson í framhaldi af því að einstaklingur með kynama skaut sex manneskjur til bana, og sagði þar að suma daga væri transfólk allt að 20% þeirra Antífaliða er lögreglan handtæki. Hann segir að ungt transfólk sé viðkvæmur hópur og auðvelt að hræra í kollinum á því og innræta því öfgahyggju. Margt þessa fólks segir hann haldið geðrænum sjúkdómum auk kynamanns og að hormónalyfin sem þeim sé ávísað og andsamfélagslegu áhrifin, sem þau verða fyrir innan hópa sinna séu ekki til bóta. Andy segist hafa tekið eftir að í kjölfar þess að sum fylki bönnuðu kynskiptaaðgerðir, þar með taldar lyfjagjafir, á börnum þá hafi hvatning til ofbeldis gegn þeim er styðja slíkt bann orðið mjög áberandi á netinu, meðal annars var kynntur „Trans Day of Vengence“ hinn 1 apríl.

author avatar
frettin
See Full Bio
social network icon

Skildu eftir skilaboð