Andrew Bridgen, fyrrverandi þingmaður Íhaldsflokksins, sem vísað var tímabundið úr flokknum eftir að hafa „borið saman“ Covid sprautur við helförina, hefur verið rekinn varanlega úr flokknum.

Bridgen, sem hefur verið á þingi síðan 2010, hefur setið sem óháður þingmaður síðan, eða frá því að hann lét þessi orð falla. Þó er ekki um beinan samanburð að ræða því orðrétt skrifaði Bridgen:

 „Eins og einn sérfræðingur í hjartalækningum sagði við mig þá er þetta stærsti glæpur gegn mannkyninu frá því í helförinni.“

Ekki kemur fram hver hjartalæknirinn er, en að öllum líkindum er það Bretinn Aseem Malhotra sem segir meðal annars að læknar þori ekki að tjá sig um málið.

Í yfirlýsingu í gær sagði Bridgen að brottrekstur hans „staðfesti meinta spillingu, samráð og yfirhylmingar sem hrjáir stjórnmálakerfi okkar“. Hann sagði: „Ég hef gagnrýnt Covid bólusetningar harkalega og flokkurinn hefur sannarlega refsað mér. Ég er þakklátur fyrir nýfengið frelsi og mun halda áfram að berjast fyrir réttlæti fyrir alla þá sem hafa skaðast, þá sem hafa skaðast af bóluefnunum og syrgjendur, vegna vanhæfni stjórnvalda.“

Bridgen hélt því líka fram í þinginu í desember 2022 að háttsettur breskur hjartalæknir hylmdi yfir skýrslur um hjartabólgur í kjölfar Covid sprautanna.

Sjálfur hlaut Bridgen skaða eftir tvær sprautur af Astra Zeneca, „bóluefni“ sem Bretar hafa nú alfarið tekið úr umferð.

Viðbrögð Bridgen við brottrekstrinum má sjá hér neðar:

Ráðstefna í Stavanger

Fréttin.is sótti ráðstefnu í Stavanger í Noregi fyrr í mánuðinum, þar sem Bridgen var einn af fyrirlesurum, og náði við hann stuttu spjalli sem finna má hér.

Bridgen var léttur í lund og með húmorinn í lagi þrátt yfir allt. Aðspurður á ráðstefnunni, hverning honum liði þegar þingmenn létu sig hverfa úr þingsal þegar hann færi í ræðustól svaraði hann: „Satt að segja er ég svolítið stressaður að tala hér fyrir fullum sal af fólki, ég er vanur að tala fyrir tómum sal.“

Hér sjáum við aftur á móti gott dæmi um hvernig getur farið fyrir þeim sem tala gegn opinberum skýringum á Covid og svokölluðum Covid bóluefnum, sem einn fyrirlesaranna á ráðstefnunni Sasha Latypova frá Úkraínu, segir vera hernaðaraðgerð, aðgerðin sé ekki einu sinni leynileg. Henni er stýrt af varnarmálaráðuneyti Bandaríkjanna, það sýni skjölin.

Fyrirlesturinn er enn aðgengilegur og má horfa á hér. Sasha er önnur í röðinni og hefst erindi hennar á ca. 01:05. Þar fer hún vel yfir málið.