Sameinuðu þjóðirnar taka þátt í gleðimánuði (e. pride month) LGBT hreyfingarinnar.

Í vikunni var Rockefeller Center í New York borg fyllt af regnbogafánum. Fánarnir voru dregnir að húni í stað þeirra 193 þjóðarfána sem venjulega blakta á torginu, einn fyrir hvert land sem tilheyrir Sameinuðu þjóðunum.

Svona er útlitið vanalega við byggingu SÞ

Framtakið vakti töluverða gagnrýni á samfélagsmiðlum. Sumir notendur gagnrýndu það að þjóðarfánum væri skipt út fyrir LGBT fána. Aðrir kvörtuðu yfir því að þessi útstilling til heiðurs gleði-mánaðarins væri stærri en útstillingar eða sýningar fyrir jólin.

Auk þess hafa einhverjir Bandaríkjamenn gagnrýnt SÞ fyrir að gefa út þess konar yfirlýsingu á sjálfu Rockefeller torginu. Margir telja sögufræga torgið óviðeigandi stað fyrir þess konar sýningu.

Einn gagnrýnenda sagði að þetta líktist meira einhvers konar þráhyggju heldur en samþykki eða viðurkenningu á réttindum hinsegin fólks.

Annar vildi meina að SÞ hefði engan lagalegan rétt til að skipta þjóðfánum sjálfstæðra ríkja út fyrir LGBT hinsegin fána.