Er ríkisstjórn Íslands að staðfesta landráð gegn þjóðinni?

frettinInnlent, Kristín Inga Þormar, StjórnmálLeave a Comment

Eftir Kristínu Ingu Þormar:

Katrín Jakobsdóttir forsætisráðherra og Hans Kluge, framkvæmdastjóri WHO í Evrópu.

Nú á dögunum var haldið velsældarþing í Hörpu, þar sem framkvæmdastjóri WHO í Evrópu afhenti Katrínu Jakobsdóttur þessa skýrslu formlega.

Það verður að segjast eins og er, þessi skýrsla er hrollvekjandi lesning þeim sem hafa kynnt sér rækilega hvað raunverulega býr að baki áformum ókjörnu stofnunarinnar WHO, Sameinuðu þjóðanna og annarra álíka stofnana um örlög okkar hinna. Þ.e.a.s. okkar sem eru einskis nýt heimselítunni að þeirra mati.

Í skýrslunni kemur m.a. fram að forsætisráðherra efndi til þessa velferðarhagkerfisþings núna í júní 2023 vegna þess að þrátt fyrir að meginmarkmið opinberrar stefnu um árabil hafi verið um velsæld fyrir alla, þá sé ekki almenn vitneskja um það meðal þjóðarinnar ...

Það mætti spyrja hvers vegna þjóðin hafi ekki enn neinar hugmyndir um þessar afskaplega "fögru fyrirætlanir" þeirra um velferð okkar.

Á myndinni hér fyrir neðan má sjá regnbogahugtakinu fléttað inn í þessi "göfugu markmið" um velsæld fyrir alla - sem þýða í raun akkúrat hið gagnstæða, eins og þeir vita sem eru búnir að kynna sér inntak þessara skelfilegu Heimsmarkmiða Sameinuðu þjóðanna.

Sjá frekar:

Fagurlega innpökkuð froða sem veldur manni hreinlega ógleði og ógeði

Og ekki síður veldur opnunarávarp Katrínar á þinginu sömu hughrifum, en þar segir hún meðal annars (í lauslegri þýðingu):

Það eru fimm ár síðan Skotland, Ísland og Nýja-Sjáland stofnuðu velferðarhagkerfisstjórnir, eða WEGo hópinn - eins og við köllum það. Síðan þá hafa Wales, Finnland og Kanada gengið í hópinn og tekið virkan þátt í starfinu.

Það er samstarfsverkefni ríkisstjórna sem hafa áhuga á að deila sérfræðiþekkingu og stefnumótun til að efla metnað til að byggja upp velferðarhagkerfi og framfarir í átt að sjálfbærnimarkmiðum SÞ.

Þess má geta að Katrín er í vinfengi við fyrrverandi forsætisráðherra Nýja-Sjálands, og harmaði brotthvarf hennar úr stjórnmálunum fyrr á þessu ári.

Í ræðunni segir hún líka að núna séu þau hálfnuð með "Agenda 2030" (áður Agenda 21), og þurfi að sýna fordæmalausa einbeitingu í að hraða aðgerðunum í sjálfbærnimarkmiðum Sameinuðu þjóðanna.

Fólk þarf nauðsynlega að kynna sér "Agenda 2030", það er hlekkur á vídeó sem fer í gegn um það hér að ofan.

Þakkarorð

Ég vil þakka Katrínu Jakobsdóttur forsætisráðherra Íslands kærlega fyrir að hafa látið gera þessa skýrslu, því nú getur þjóðin séð svart á hvítu yfirstandandandi - og framtíðar aðgerðir hennar og ríkisstjórnarinnar "fyrir þjóðina".

Er ríkisstjórn Íslands að fremja landráð?

Varla er hægt að draga aðrar ályktanir en að ríkisstjórnin undir stjórn Katrínar Jakobsdóttur sé með gjörðum sínum í samstarfi við WHO að fremja landráð gegn þjóð sinni, enda virðist það óhjákvæmilegt miðað við ofangreint samstarf hennar við þau að hún muni samþykkja yfirvofandi valdatöku WHO á fullveldi Íslands í heilbrigðismálum þjóðarinnar.

Fólk þarf líka nauðsynlega að kynna sér hvað það felur í sér að afsala fullveldi þjóðarinnar til aðila sem hafa aldrei verið til þess kjörnir, og hvaða afleiðingar það mun hafa fyrir okkur öll.

86. kafli í almennum hegningarlögum um landráð

Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt. 

Hvað finnst ykkur, er ríkisstjórnin með þessu (búin?) að fremja landráð gegn þjóð sinni?

Skildu eftir skilaboð