Transkonan Alda Vigdís Skarphéðinsdóttir, rataði í fréttirnar um daginn fyrir að hafa opinberlega hótað og hvatt til barsmíða á þeim Ívu Marín Adrichem og Eldi Ísidór Deville. Alda hefur nú sent tölvupóst til hýsingaraðila Fréttin.is, þar sem krafist er að umfjöllun um atvikið verði tekin niður ásamt Fréttavefnum, vegna höfundarréttarlaga "copyrights".
Alda segir að höfundarréttarlögin eða reglugerðir sem hún vísar til í bréfinu hafi verið brotnar, og heimtar að færslan verði tekin niður, ella stefni hún á lögsóknir.
Eins og flestir landsmenn vita þá er Íva Marín þjóðþekkt tónlistarkona sem einnig er blind og samkynhneigð, og hollensk í annan leggin. Eldur Ísidór er samkynhneigður maður sem varð fyrir töluverðu einelti sem barn vegna kynhneigðar sinnar.
Má því segja að Alda Vigdís sé að hvetja til ofbeldis gegn fjölda „minnihlutahópa“ á sama tíma. Ekkert hefur heyrst frá Samtökum 78 eða öðrum mannréttindarsamtökum vegna málsins.
Alda deildi ofbeldishótuninni á opinberum vettvangi og því hæpið að flokkist sem einkamál. Facebook er hins vegar er með skýrar reglur þegar upp koma vandamál sem þessi og má lesa um þær hér.
Um fleiri hótanir var fjallað um í Harmageddonþætti Frosta Logasonar á Brotkast í síðustu viku. Það var Björn nokkur sem barst bréf frá Öldu fyrir að deila skjáskoti af ofbeldishótununum, og vísar hún þar til (DMCA) kröfu sem hún setur gegn Birni, og segist kæra innan 14 daga ef hann verði ekki að kröfunum sem yrði til þess að facebook reikning Björns yrði lokað.
Alda segir svo að lokum: „það er fólk á mínum vegum að fylgjst með þér á facebook, og ég fæ að frétta það ef það kemur ekki meira frá þér.“
Í dag barst tilkynning þess efnis að hýsingaraðilar munu ekki verða við beiðni Öldu Vigdísar, og hafa sent viðkomandi erindi þar sem beiðninni er hafnað.
Þau Eldur og Íva hafa að undanförnu verið uppnefnd nasistar og annað verra af hinseginsamfélaginu, einungis fyrir að hafa skoðanir á hormónabælandi og skaðlegum aðgerðum á börnum. Þá hafa þau verið mikið gagnrýnd fyrir að segja þá staðreynd að líffræðilegu kynin séu bara tvö, og sökuð að um að vilja útrýma transfólki.
Engin úr hinseginsamfélaginu hefur viljað hittast til að fara yfir málin og hafa samtökin ítrekað hafnað rökræðum, og þeim lýðræðislegum venjum að öll sjónarmið fái að heyrast.
