Níu ára stúlkubörn í Rimskóla mættu til skólasunds á þriðjudagsmorgun í þessari viku. Þegar í sturtuna var komið sáu þær nakinn karlmann. Stúlkunum brá mikið í brún og þeirra viðbrögð voru að hlæja og sögðu svo upphátt að það væri karl í sturtunni.

Einstaklingurinn sem um ræðir er karlmaður sem skilgreinir sig sem konu, en samkvæmt reglum mannréttindarráðs, geta nú hverjir þeir sem skilgreina sig af öðru kyni þrátt fyrir að hafa ekki undirgengist neinar slíkar aðgerðir, notað klefa þess kyns sem það skilgreinir sig.

Ekki sammála að viðkomandi sé karlmaður

Við fyrirspurn Fréttarinnar segir Þóranna Rósa Ólafsdóttir skólastjóri Rimskóla, að það sé rétt að hún kannist við atvikið, en segist ekki kannast við að stúlkurnar hefðu verið „teknar á teppið“ fyrir að hlæja að atvikinu, en samkvæmt pósti sem nú er í dreifingu, kemur fram að stúlkurnar hefðu verið skammaðar og sagt að bera virðingu fyrir transfólki.

Þóranna segir að samtali við Fréttina hún geti ekki verið sammála um að viðkomandi sé karlmaður, þrátt fyrir að bera öll einkenni þess og sé með karlkyns kynfæri. Þarna færi blaðamaður með fleipur. Blaðamaður vísaði þá til líffræði 101, og bauð Þórunni í viðtal um meintar „fleipur“ sem hún afþakkaði en vísaði á Kolbrúnu hjá Skóla- og frístundasviði.  Að öðru leiti vildi Þóranna ekki tjá sig meira um atvikið og vísaði á forstöðumann Grafarvogslaugar.

Starfsfólki sé ekki heimilt að vísa karlmönnum úr kvennaklefa

Í samtali við Hrafn Þór Jörgensson forstöðumann Grafarvogslaugar, segist hann kannast við málið en ekki hafa verið í vinnunni þegar atvikið átti sér stað. Hrafn svarar því að sundlaugin fái leiðbeiningar frá Mannréttindarráði Reykjavíkurborgar, þar sem vísað er í lög um kynrænt sjálfræði og því ekkert sem að starfsfólk geti gert til að hindra karlmenn sem skilgreina sig sem konur að nota kvennaklefan, þrátt fyrir að vera með karlkyns kynfæri.

Fréttinn fjallaði fyrr í sumar um mál Þórhildar Söru Sveinbjörns.  Þórhildur sætir nú sakamálarannsókn hjá lögreglu, fyrir kynferðislega misnotkun og kynferðislegt áreiti gegn þroskaskertum konum og stúlkubörnum, og er samkvæmt heimildum tíður gestur í kvennaklefa sundlauga Höfuðborgarsvæðisins. Þórhildur hefur ekki undirgengist neinar kynskiptiaðgerðir. Þá fjallaði Fréttin einnig um álíka mál sem kom upp í Dalslaug síðasta vetur, en eftir atvikið hefur Dalslaug komið upp sérklefa fyrir transfólk.

Inn á vef Menntamálastofnunnar, er að finna skilgreiningu á einkenni kynjanna og kynfæra sem má lesa um hér. 

Svar barst í dag frá Önnu Kristinsdóttur, formanni mannréttindaráðs Reykjavíkurborgar. Ráðið vísar til laga um kynrænt sjálfræði, og sé því öllum þeim sem skilgreina sig af öðru kyni án þess að hafa gert breytingar á líkama sínum, heimilt að nota þann klefa sem það kýs, og vísað er til þess að ekki megi mismuna á grundvelli kynhneigðar, kynvitundar, kyntjáningar eða kyneinkenna.

Foreldrar spyrja sig nú að, hver séu réttindi barna og hvort friðhelgi þeirra sé virt ásamt friðhelgi kvenna.

Svarið í heild sinni: