Glóbalistarnir búa til kreppur til að koma á alheimsstjórn

frettinErlent, Gústaf SkúlasonLeave a Comment

Hollenski lagaheimspekingurinn Eva Vlaardingerbroek.

Gústaf Skúlason skrifar:

„Loftslagsmálin“ og aðrar svokallaðar „kreppur“ eru tilbúnar lygar til að koma á alheimsstjórn, þar sem „elíta“ ræður yfir öllum öðrum. Þetta er það sem heimsmarkmið Sameinuðu þjóðanna „Dagskrá 2030“snýst í raun og veru um samkvæmt hollenska réttarheimspekingsins Evu Vlaardingerbroek.

Hollenski lagaheimspekingurinn Eva Vlaardingerbroek hélt ræðu undir heitinu „Alþjóðastríðið gegn landbúnaðinum” á ráðstefnu hjá R-CALF (sjá myndband að neðan). R-CALF eru stærstu samtök kjötframleiðenda í Bandaríkjunum. Eva Vlaardingerbroek kemur frá Hollandi og þar hafa glóbalískir stjórnmálamenn landsins ráðist á bændur með stuðningi Evrópusambandsins, þar sem bændum er gefið að sök að losa of mikið af koltvísýringi.

Loftslagskreppan notuð til að fá fólk að afsala sér réttindum

Að sögn Evu Vlaardingerbroek er það hrein lygi. Málið snýst raunverulega um eitthvað allt annað.

„Köfnunarefniskreppan er ekki til. Þetta er yfirskin, þetta er lygi, köfnunarefniskreppan er tilbúin kreppa af embættismönnum í Haag og Brussel. Árásin á Holland er hluti af stærri alþjóðlegri dagskrá sem snýst um að ná völdum. Þetta er dæmigerð stefna glóbalismans. Þeir búa til kreppu, – vá hvað við höfum fengið að finna fyrir því á síðustu þremur árum. Þeir segja að lausnin á þessari kreppu sé að þið (fólkið) afhendið réttindi ykkar.”

Valdarán undir stjórn Sameinuðu þjóðanna

Fresturinn sem „alheimselítan“ hefur veitt Hollandi og öðrum löndum er fram til ársins 2030. Það er engin tilviljun. Allt gerist undir merkjum Sameinuðu þjóðanna.

„Það heitir „Dagskrá 2030.” Agenda 2030. Þetta er dagskrá SÞ og allir eru með í SÞ, allur heimurinn. Hún inniheldur 17 svokölluð sjálfbærnimarkmið. Þegar betur er að gáð hvernig þeir vilja ná þessu öllu fram, getur hver sem er með tvær starfandi heilafrumur skilið að þetta getur ekki gerst nema það sé virk endurdreifing á vörum, eignum og réttindum okkar, sem í reynd þýðir útrýmingu frelsis okkar og réttinda.”

Af hverju er sérstaklega ráðist á bændur?

„Fólkið á bakvið þetta vill koma á heimsstjórn, nýrri heimsskipan, þar sem þeir ákveða hvað við borðum, hvenær við borðum, hvert við ferðumst, hvenær við ferðumst, hverja við hittum og í hvað við getum eytt peningunum okkar. Í grundvallaratriðum stjórn á hverjum einasta þætti í lífi okkar.”

„Þeir vilja ekki, að við borðum mat sem gerir okkur sterk. Þeir vilja að við borðum gervikjöt búið til af Bill Gates. Þeir vilja að við borðum skordýr, þeir vilja að við drekkum sojamjólk til þess að við verðum veik og hlýðin, svo við gerum eins og þeir segja og kaupum það sem þeir bjóða.”

Hér að neðan má sjá bút úr ræðu Vlaardingerbroek og þar fyrir neðan er ræðan í heild sinni:


Skildu eftir skilaboð