Gústaf Skúlason skrifar:

Það er erfitt fyrir venjulegt fólk að átta sig á þeim viðbjóðslega hryllingi sem sú botnlausa grimmd gagnvart gyðingum hefur skapað gegnum tíðina og sýndi sig í árás Hamas á Ísrael 7. október sl. Guð velsigni það fólk sem trúir ekki, að til sé slík grimmd og afneitar hryðjuverkunum sem slíkum. Sænski miðillinn Samnytt hefur birt myndbönd sem sýna slátrun óvopnaðra, saklausra, ísraelskra borgara sem eru svo viðbjóðsleg að ekki verða birt hér.

Ritstjóri Samnytt skrifar leiðara gærdagsins, þar sem hann rekur sögu gyðingahatursins frá því íslam varð til sem „trú” í byrjun 7. aldar. Hann líkir ástandinu í dag við nasismann og segir að ef eitthvað sé, þá séu hryðjuverkamenn nútímans verri en nasistarnir í hatri og ofbeldi gegn gyðingum. Ekeroth skrifar:

„Glæpir nasista voru auðvitað miklu stærri með milljónir fórnarlamba svo séð í því samhengi, reiknað í fjöldi fórnarlamba, þá eru nasistar auðvitað verri. En ekki ef horft er til metnaðarins. „Palestínumenn,” þ.e.a.s. arabar á þeim svæðum sem áður tilheyrðu breska Palestínuveldinu, vilja að Ísrael verði útrýmt, sem þeir og bandamenn þeirra syngja einnig á götum okkar og torgum í Svíþjóð.”

Vilja drepa um 8 milljónir gyðinga í Ísrael

Svo kallaðir „leiðtogar Palestínu” hvort sem það eru Hamas eða PLO segja hreint út: Markmiðið er að afmá Ísrael af landakortinu og drepa alla gyðinga í Ísrael um 8 milljónir manns (um 20% af 9, 5 milljónum ísraela eru arabar). Nasistarnir myrtu fleiri en metnaður „Palestínumanna” er að drepa jafn marga. Fyrir okkur sem lifum í Svíþjóð er þessi ógn nærtækari en margur heldur. Íslamski heimurinn hefur lýst yfir stríði við Svíþjóð vegna Kóranabrenna. ÍSIS vígamaður drap 2 Svía og særði einn til viðbótar í Brussel. Þeir voru drepnir vegna þess að þeir voru í landsliðsbol sænska fótboltaliðsins. Sama kvöld og hryðjuverkamenn Hamas drápu um 1400 saklausa, vopnlausa meðborgara í Ísrael, konur og börn og skáru höfuðið af mörgum þeirra, þá þustu hundruð blóðþyrstir Hamas stuðningsmenn út á götur í Stokkhólmi, Gautaborg og Malmö til að fagna drápum á saklausum borgurum.

Á mótmælafundi í Stokkhólmi nýverið hélt einn ræðumannanna því fram „að félagsmálastofnun Svía rændi börnum múslíma í þúsundatali.” Þessari lygi er hampað í íslömskum áróðri út um allan heim til ofbeldismanna sem vilja leggja undir sig sænska samfélagið. Hamas, Hisbollah, ISIS og önnur hryðjuverkasamtök hafa sellur sem þeir geta virkjað í Evrópu og á Norðurlöndum ef til átaka kemur. Með vopn Bandaríkjamanna sem skilin voru eftir í Afganistan og einnig vopn sem áttu að fara til Úkraínu en lentu á svarta markaðinum, þá eru þessar hryðjuverkasveitir veruleg ógn við líf saklausra borgara í allri Evrópu.

74% styðja hryðjuverk gegn gyðingum

Auk Hamas vill Fatah einnig að Ísrael verði útrýmt. Í könnun sem gerð var í Palestínu ár 2008 um hryðjuverk gegn gyðingum, kom í ljós að um 74% íbúanna í Gaza studdu hryðjuverkaárásir gegn saklausum borgurum. Yfir 90% studdu sprengjuárás á skóla, þar sem 8 námsmenn létu lífið. Hér að neðan má sjá mynd af hluta könnunar sem könnunarfyrirtæki í Palestínu framkvæmdi 13.-15. mars 2008:

Í þessari könnun kemur í ljós að heil 74% íbúanna í Gaza styðja vopnaðar hryðjuverkaárásir á óvopnaða ísraelska borgara í Ísrael. Yfir 90% íbúa Gaza studdu sprengjuárás á skóla í Jerúsalem sem drap átt námsmenn. (Palestinian Center for Policy and Survey Research, March 13-15, 2008).

Fatah bardagamenn gera nasistakveðju í Ein Al-Hilweh flóttamannabúðunum í Líbanon 11. nóvember 2022. Þeir ákalla Allah og lofa að frelsa Palestínu í fótspor Yasser Arafats.

Verstu morð á gyðingum síðan í helför nasista

Vígamenn Hamas eru vígamenn ÍSIS, íslamska ríkisins. Fánar Palestínu og ÍSIS merktu ódæðið 7. október sem er það versta síðan í helför nasista gegn gyðingum. Skólar, götur og torg eru skírð eftir hryðjuverkamönnum sem sprengja sjálfa sig og reyna að taka eins marga og hægt er með sér í dauðann. Skattpeningar Vesturlanda fara í greiðslur til morðingja og stuðningsmenn morðhundanna hlaupa út á götur í evrópskum borgum til að fagna blóðbaðinu á gyðingum. Þeim sem enn segja að þetta sé allt saman lygaáróður gyðinga er bent á heimasíðu Samnytt.se með leiðara Ekroth. Þar má sjá eitt ljótasta myndefni sem sést hefur síðan ÍSIS skemmti sér við að pynda og drepa fólk á sem ógeðslegastan hátt og dreifa myndum um allan heim til skapa hræðslu fólks á Vesturlöndum.